Washington DC

Wat 'n mooi stad is Washington tog nie - groot oop ruimtes, brëe strate, 'n wa en osse sal sekerlik daarin kan omdraai, baie bome, lieflike tuine en spog geboue.  'n Mens kan hier asemhaal!

Geboue mag nie hoër as nege verdiepings wees nie.  Die plek is dus in groot kontras met New York.  Die meeste werkers woon eintlik oorkant die Potomacrivier in die staat Virginia - daar is toringgeboue, veral woonstelgeboue volop.

Kersiebloeisels

Waarna ons die meeste uitgesien het, was die kersiebloeisels rondom die getypoel. Ons het selfs in Suid-Afrika al 'n trapbootjie bespreek om op die reuse poel te gaan rondvaar.  

En daar mis ons toe die bloesiels net met so 'n week - nie 'n enkele boom rondom die poel was meer in blom nie, maar in die res van die stad was daar darem plek-plek lieflike voorbeelde te sien. 

Die trapbootjies was baie pret - ons het reg om die poel gevaar, verby die Jefferson Memorial. 

Die getypoel in die skemer
Gesiggies by 'n straatkafee
Ruim boomlane om in te stap tussen monumente
Die getypoel op sy mooiste - miskien eendag...
Die twee trappers

Stad van monumente

DC, is bekend as die stad van "majesty, monuments and memorials".  

Mens sien die goed so baie in flieks, dit voel of jy dit al ken.

'n Aandtoer gee aan die stad se monumente en "memorials", 'n splnternuwe dimensie.

Lieflike straatligte
TLC, net betyds vir inwyding van President (Trump)?
Spitsverkeer in Washington
Was darem bly om die oom op sy stoel te kon sien
Die presidensiële brakke het ook daar rond gespeel
Een ster vir 100 gesneuweldes in 2e Wêreldoorlog
Pentagon - aansig wat op 9/11 beskadig is
Vir almal wat "Forest Gump" gesien het
Moltreinstasie

Arlington Begraafplaas

Seker een van die mooiste begraafplase in die wêreld.

Lank uitgestrek teen 'n heuwel, vind daar elke dag nog so nege begrafnisse plaas.  

Dit is vir soldate en oud-soldate met hulle gades.

Die enigste president wat daar begrawe is, is Kennedy, want hy het gedien in die Tweede Wêreldoorlog.

Marines pas die monument van die onbekende soldaat 24 uur per dag op.

Daar is gereeld 'n verwisseling van wagte, wat nogal interessant is om te belewe.  Die wagte dra sonbrilletjies om hulle te beskerm teen die starende publiek.  

JFK en Jackie se grafte

Write a new comment: (Click here)

SimpleSite.com
Characters left: 160
DONE Sending...
See all comments

| Reply

Latest comments

06.05 | 19:10

...
05.05 | 20:47

Het baie geniet. Dankie.Tuinmaak my passie. Meestal onbekende musiek vir my, maar pragtig.

...
07.04 | 20:46

Hi Nalene, watter datums het jy 'n probleem mee. Dié van Dr Nel van Heerden? Madelie

...
07.04 | 09:09

Kan iemand dalk sê die datums klop nie... Die datums wat op foto's is en die ouderdom wat sy behoort te wees, werk nie lekker saam nie. Kan iemand dalk help?

...
You liked this page