Vinnig/min moeite:-

Maak 'n slag ekonomiese varkfillet gaar.

"Springrolls" met filodeeg.
Russiese manier - resep hier onder iewers.
Heerlik saam met blaarslaai en vars appel met suurlemoe

Varkfilette is baie ekonomies – so R40.00 vir twee kleineriges, maar ‘n mens kom baie ver daarmee.  Dit is suiwer vleis, geen vet of bene nie en baie vullend.

Hou dit eenvoudig, sout en peper, verbruin die filette in ‘n pan, voeg dan blatjang en wyn by en bak dit dan in ‘n toe oondbak tot dit uitgerafel kan word – so 20 minute.  Toets gereeld met ‘n vurk of die vleis maklik los kom.  Ek het dit in Old Brown Sherry gaar gemaak.

Om dit te rafel, oftewel “pulled pork” te maak, maak die vleis los deur dit met twee vurke uit te rafel, of hou die vleis teenaan jou elektriese handklitser  – dit werk soos ‘n bom en maak fyn rafels.

Ek kon van twee varkfillete genoeg rafelvleis kry vir vier porsies vleis bedien op sout wafels met vars appel, en vier “spring rolls” gemaak met filodeeg.

Of, doen dit op die Russiese manier, soos die resep hier onder.  

Vinnige/maklike pizza

2 k bruismeel

1 k wit jogurt

1 tl sout

  • Voorverhit oond tot 220 °C
  • Meng tot ‘n sagte deeg
  • Rol deeg dun uit, voer ‘n pan daarmee uit, prik orals met ‘n vurk en bak dan vir 10 minute by 220° C
  • Berei intussen die vulsel van jou keuse voor, bv tamatiepaste, fyn gekapte bros stukkies spek, ontpitte olywe en genoeg cheddarkaas om oor te strooi
  • Haal kors na 10 minute uit die oond, versier met die vulsel en bak vir nog 10 minute tot die kaas gesmelt en die pizza goudbruin is.

Vinnige vetkoekies met rosyne

3 ½ k meelblom

1 el bakpoeier

1 tl sout

1 tl fyn gemmer

3 eiers

1 k suiker

1½ k dikmelk, karringmelk of melk

2k pitkose rosyne

1 tl vanieljegeursel

Olie vir diepbraai

Kaneelsuiker

  • Sif die meel, bakpoeier, sout en gemmer saam
  • Klits die eiers en die suiker goed saam in ‘n aparte bak.  Gooi melk by en klits verder
  • Voeg die meelmengsel by en meng goed
  • Vou die rosyne en vanieljegeursel in en meng deeglik
  • Verhit die olie in ‘n kastrol en skep teelepels vol van die deeg in die warm olie
  • Diepbraai tot goudbruin
  • Dreineer op ‘n papierhanddoek
  • Strooi kaneelsuiker oor voor bediening

Hartskombuis.  Boerekos van die Anglo-Boereoorlog tot vandag

Tamatie- en fetakoekies met jogurt

1 1/2k fyn gesnyde kersietamaties, gedreineer om sap te verwyder

100g fetakaas, fyngekap

1 klein rooi ui, gerasper

1 el fyn gesnyde pietersielie

1 el fyn gekapte kruisement

1 tl droë origanum

125ml meelblom

1 tl bakpoeier

sout en peper

olyflie vir braai

  • Meng alles saam
  • Vorm koekies en braai tot goudbruin

Murgpampoentjiekoekies

2 medium grootte murgpampoentjies, fyn gerasper

2 el bruismeel

25g Parmesaankaas, fyngerasper

1 el olyfolie

Rooipeperhummus of roomkaas om koekies mee te bedien

  • Meng al die bestanddele, behalwe die olyolie,  goed
  • Verhit olie
  • Vorm okkerneutgrootte balletjies van die mengsel en druk plat
  • Braai in die olie tot goudbruin
  • Bedien met die hummus of ‘n sterk roomkaas

Russiese aartappels in karringmelk

20 baba aartappeltjies, klein perses werk goed

2 el botter

1 meduim ui, in ringetjies gesny

½ tl sout

1 1/3 k karringmelk

sout en peper

vars dille vir garnering

  • Kook aartappels tot sag maar nog ferm
  • Smelt intussen die botter en braai die uie tot sag en deurskynend
  • Geur met sout
  • Plaas aartappels in ‘n opdienbak
  • Sny sommige deur maar hou ook ‘n paar heel
  • Skep die uie oor
  • Gooi karringmelk oor en geur met sout en peper na smaak
  • Garneer met vars dille

Resep: Martha Stewart

Russiese varkfilet

1 el olyfolie

60ml blatjang

sout en peper

2 varkfilette

Speserymengsel:

15ml vinkel (fennel) saadjies

15ml koljandersaadjies

15ml sesamesaadjies

5 ml kardamompoeier

Bad die saadjies in verskillende panne tot die reuk daarvan sterk deurkom

Meng deeglik en rol fyner met ‘n rolstok

Voed die kardamom bietjie vir bietjie by tot dit lekker smaak (dit kan oorheersend wees en almal hou nie van die smaak nie)

  • Geur die vleis met sout en peper
  • Braai die filette in die olie tot bruin
  • Verminder die hitte
  • Voeg die blatjang by en so 15 ml kookwater
  • Sit die deksel van die pan op en laat stadig stowe tot gaar, so 10 minute, afhangend van die dikte van die filette
  • Wanneer gaar, verwyder uit die pan en rol in die speserymengsel
  • Laat rus vir ‘n paar minute

 

 

Russiese visgereg

1 pak stokvis stukke (die stukker stukkies)

2 el gekapte vars pietersielie of dille

1 houertjie suurroom

1 medium ui in fyn ringetjies gesny (‘n madolien werk hier lekker)

1 el kookolie

  • Sout en peper die vis en pak dit in ‘n oondbak (hou bevrore)
  • Braai die uieringe tot sag en deurskynend
  • Rangskik dit nou bo op die vis
  • Smeer so 1 desertlepel suurrom op elke visporsie
  • Bak by 180°C tot gaar – so 20 minute

 

Indien jy meer kleur aan die gereg wil gee, sprinkel ‘n titsel geel kaas soos cheddar oor en bak tot gesmelt

 

Kardamonkoekies

225g botter

150g strooisuiker

Fyngerasperde skil van een suurlemoen

250g meel

100g fyn amandelmeel, of fyngerolde amandelsplinters, effens gerooster

3tl kardamonpoeier

  • Klop botter, suiker en skil tot lig en romerig
  • Voeg nou die res van die bestanddele by en en meng tot ‘n stywe deeg
  • Rol in balletjies, en druk plat met die palm van jou hand
  • Druk ‘n patroontjie op elke koekie
  • Bak tot goudbruin by 190°C vir 12-14 minute, in ‘n oondpan wat met bakpapier uitgevoer is
  • Laat ‘n paar minute in die pan afkoel

Mens kan seker ook die patroontjie vervang met ‘n heel, geroosterde amandelpit

Tradisionele Russiese “Olivye” slaai

Vir spesiale geleenthede

1 klein blikkie ertjies, gedreineer

½ k gekookte ham in blokkies gesny

1 el fyngebakte vars pietersielie

1/2k mayonnaise of suurrroom

6 aartappels, gekook en in blokkies gesny

1 gekookte, geskraapte wortel, in blokkies gesny

Klein komkommer of 6 piekels, fyngesny

4 gekookte eiers

  • Meng alles saam
  • Klam aan met die mayonnaise of suurrroom

Vir spesiale geleenthede, kan jy die bestanddele in ‘n vorm skep, met mayonnaise bedek en dan versier, hoe meer kitscherig hoe beter he he.

 

 

(Vir twee persone)

4 klein baba aartappels, gekook en gehalveer

3 grof gerasperde murgpampoentjies of 4 “patty pans”

4 eiers

4 stukkies bros gebraaide spek

30 ml maaskaas

50g gerasperse cheddarkaas

30ml fyn gekapte vars kruie, soos tiemie, basilliekruid of pietersielie

Sout en peper na smaak

  • Voorverhit oond tot 180°C
  • Smeer 2 ramekinbakkies en plaas op oondbak
  • Pak die aartappeltjies onder in die ramekinbakkies
  • Strooi die gerasperde murgpampoentjies oor
  • Klits die eiers, kruie, cheddarkaas en roomkaas goed saam
  • Gooi die eiermengsel oor en bak vir 25-30 minute tot gestol
  • Die kaas is klaar sout, maar voeg nog sout en peper by na smaak
  • Krummel spek bo-oor en bedien warm

Write a new comment: (Click here)

SimpleSite.com
Characters left: 160
DONE Sending...
See all comments

| Reply

Latest comments

30.08 | 12:44

It seems really a nice sharing due to its informative stuff which I will share with my dad after my https://www.goldenbustours.com/seattle-tour-packages/

...
06.05 | 19:10

...
05.05 | 20:47

Het baie geniet. Dankie.Tuinmaak my passie. Meestal onbekende musiek vir my, maar pragtig.

...
07.04 | 20:46

Hi Nalene, watter datums het jy 'n probleem mee. Dié van Dr Nel van Heerden? Madelie

...
You liked this page