Maalvleigeregte

Chef Marco het Matthew op "Australian Masterchef", kwaai gekritiseer vir die manier waarop hy lasagne gemaak het.  

In plaas van net 'n witsous en los parmessan, het Matthew 'n dik kaassous gemaak, soos ons maar almal doen.

Volgens MPW behoort die volgorde van die lae as volg te wees:

Eers die vleissous, dan 'n laag dik witsous, dan 'n dik laag gerasperse parmesaan, en dan eers die lasagnevel.  Herhaal en eindig met die parmesaanlaag bo.

Ek het dit so gemaak, met van die tamatiesous (sien onder bykosse en souse) by die vleis ingeroer.

Die man weet duidelik waarvan hy praat - dis baie lekkerder as met die ou dik, taaierige kaassous.

Die parmesaan vorm 'n dik, bros korsie bo-op en die tamatie gee net 'n ander dimensie aan die ou spulletjie.

4 soetrissies, pitte verwyder en dakkie afgesny (hou dakkie)

2 k gaar, oorskiet maalvleis

Dik witsous

Gerasperde cheddarkaas

• Pak die soetrissies op ‘n gesmeerde bakplaat met elkeen se dakkie langsaan
• Vul rissie maalvleis
• Skep 2 eetlepels wit sous bo-op elk en bestrooi met cheddarkaas
• Bak so 20 minute tot die rissie gaar is en dit goud-bruin bo-op is
• Sit dakkies op en bedien

Kommentaar:

Bedien dit met die kleurvolle wortels wat deesdae op die mark is.  Kook tot sag, braai effens in botter, voeg titsel sesamesaad by.  

Dit word genoem "heritage carrots"  EN dis blykbaar hoe wortels oorspronklik gelyk het, vandaar die naam "geel wortels".  Die oranjewortels is later "ingeteel".

Die donkerpers wortels was ook eers algemeen bekend, Jan van Rievbeeck het dit selfs gesaai.

1 groot ui, fyngekerf

1 pakkie sampioene, fyn gekap, behalwe 2 wat heel gehou word vir garnering

500g maalvleis

125ml rooiwyn

30 ml fyn gekapte vars pietersielie en tiemie

2 fyngekapte dourissies (peppadews), pitte verwyder

1 skaapvleisaftreksel blokkie (Woolies s’n is die lekkerste)

1 klein pienk ui en twee sampioene vir garnering

• Braai die uit stadig tot sag en deurskynend
• Voeg die maalvleis by en braai tot amper gaar
• Gooi res van die bestanddele by en kook stadig vir 10 minute
• Gooi nog sout en peper by indien nodig
• Sit in pasteibak

Kors

4 el meel

2 tl bakpoeier

Knippie sout

1 el botter

125 ml melk

1 eier

• Sif die droë bestanddele saam
• Vryf die botter in die meelmengsel tot dit lyk soos growwe mieliemeel
• Klits die eier saam met die melk en meng met meelmengsel tot ‘n gladde, slap deeg
• Drup lepelsvol deeg op die warm maalvleis
• Garneer met skyfies pienk uit en stukkies sampioen
• Bak vir so 20 minute by 200°C, tot goudbruin en ferm

Resep vir korsie uit “Kook en geniet”