Kyk ma, niks suiker

Jamie Oliver

Vir iemand wat die skool al op 16 verlaat het, o.a. weens sy disleksie, het Jamie Oliver nie sleg gevaar in die grootmenswêreld nie.  

Hy was nog nie eers dertig jaar oud nie toe die Britse Koningin hom 'n MBE toekenning gegee het nie.  EN dit eintlik vir die werk wat hy vir liefdadigheid en die algemende welsyn van die bevolking gedoen het, nie soseer vir sy kookprogramme nie.

Hy begin die restaurant "Fifteen", waar hy minderbervoorregte jong mense oplei as chefs, vat man alleen die Britse regering aan oor die ongesonde kos wat aan skoolkinders vir middagete voorgesit word, en onlangs weer lei hy 'n aksie om die groot hoeveelhede suiker wat in koeldrank en voorafbereide kos gebruik word, te verminder.

Daarby het hy ook 'n projek, "Jamie's Dream School", begin waar hy bekendes wat regtig kenners op hulle vakgebiede is, soos die geskiedkundige, Dr David Starkey, gekry het om onderrig te gee in sy droomskool vir kinders wat vroeg al die skool verlaat het.  Hy het goeie resultate gekry, en heelwat van die kinders wat aan die projek deelgeneem het, sover gekry om terug te gaan na formele skoolonderrig.  "n Paar is selfs universiteit toe na skool.

Jamie Oliver se kos is net soos hy -  sonder pretensie, natuurlik en onopgesmuk.

Ek was al so bevoorreg om 'n paar keer by van sy restaurante in London en Oxford te eet. Die "Barbecoa", is sy vlagskip restaurant, eintlik seker 'n braairestaurant (Steakhouse).  Twee jaar gelede toe ek en my vriende Renée en Chris daar geëet het, was Jamie en sy gesinnetjie self daar.  Al vier kinders: Poppy Honey, Daisy Boo, Petal Blossom en Buddy Bear en daar is glo 'n vyfde enetjie op opad - wat gaan dié se naam tog wees, wonder mens?

Jamie het onlangs die lande met die hoogste lewensverwagting gaan besoek, om uit te vind wat die mense eet om so oud te kan word.

Hy het toe 'n reeks programme gemaak waarin hy van die disse maak en verfyn - "Jamie's Superfood".  Dit word Donderdae om 15:30 op kanaal 174 uitgesaai.

Maar soos Jamie maar kook, gee hy nie die hoeveelhede aan nie - 'n bossie van dit, 'n opgehoopte eetlepel van dat en so aan.  Ek het toe die disse uitprobeer  - wonderlik lekker, en daarby nog gesond ook.  Gaan uit elke program een of twee disse namaak.  

 

Hoender-en roosmarynsosaties met 'n lemoenslaai.

Hoender-en roosmarynsosaties met 'n lemoenslaai

4 takkies roosmaryn, behou 'n klossie bo-aan die takkie en stroop die ander blaartjies af (die takkies word as sosatiestokkies gebruik)

2 knoffelhuisies

1 el olyfolie

4 hoenderborsies in blokkies gesny

4 dik snye soetsuurdeeg- of rogbrood, so groot soos die hoenderblokkies gesny

1 el wit wynasyn

vars lourierblare

groen slaai

1 lemoen, afgeskil en in dun snytjies gesny

fetakaas

balsamieseasyn

Cayennepeper

  • Kap die los roosmarynblaardjies, 'n titsel sout en peper in 'n stamper tot fyn
  • Voeg olie, asyn en knoffel by en kap verder tot 'n smeer (paste) vorm
  • Gooi oor die vleis en broodblokkies en werk dit goed deur
  • Ryg dit op die roosmaryntakkies met hier en daar 'n vars lourierblaar tussenin
  • Braai in klein bietjie olie tot gaar
  • Bestuif met 'n titsel Cayennepeper
  • Bedien dit met 'n vars groen slaai met dun gesnyde lemoenskywe daarby
  • Krummel 'n bietjie fetakaas oor  die slaai, en bedruip met olyolie en Balsamieseasyn 

 

Ontbyt plaatkoekies met sampioene

1 eier

2 el maaskaas

115 mil fyn gekapte vars kruie soos pietersielie en tiemie

7 kersie tamaties, fyn gekap

3 middelslag bruin sampioene, fyn gekap

30 ml growwe meel (nutty wheat)

2 snye gerookte ham (opsioneel)

30 ml vars gerasperde parmesaankaas

  • Meng eier en meel deeglik
  • Meng die res van die bestanddele in
  • Braai gewoonweg soos plaatkoekies
  • Wanneer die laasteloekie gaar is, skakel die plaat af en strooi die parmesaankaas in die pan tot gesmelt
  • Sit die koekies terug in die pan.  Die kaas sal daaraan vassit en 'n heerlike ekstra geur daaraan gee
  • Bedien met 'n slaai of sampioene

Kommentaar:

Die plaatkoekies is regtig iets besonders - nie eers nodig om sout en peper by te sit nie.

Jamie bedien dit met 'n mengelslaaitjie, maar vir ontbyt verkies ek persoonlik liewer sampioene.

SIt 'n paar in 'n glas bakkie met deksel. Gooi bietjie suurlemonsap oor, en sout en peper na smaak.

Plaas deksel op die bakkie en kook vir drie minute in die mikrogolfoond op volle krag.

Die koekies sal ook heerlik wees om in te pak vir middagete by die werk of skool.

 

Luister na Jamie self

Jamie se granola met gebakte vrugte

Geroosterde vrugte

 

Verhit oond tot  200°C

 

Sap van ses lemoene

1 pakkie vars aarbeie, gerasper

1 el balsamiese asyn

 

  • Meng alles saam in ‘n oondbak en plaas solank op die boonste rooster van die oond tewyl die res van die vrugte voorberei word.
  • Skil en ontpit 2 kg vrugte, verkieslik steenvrugte, bv perskes, pruime ens.  Omdat daar min vars steenvrugte op die oomblik beskikbaar is, het ek 12 Granny Smith appeltjies (geskil en in wiggies gesny), ‘n blikkie ingemaakte Weighless perskes en 1 bakkie vars kersies (verwyder die pitte), gebruik.
  • Haal die bak met sap uit die oond, rangskik die vrugte daarop en bak verder.

 

Granola

 

200g ontpitte dadels, gekap

360g hawermout

80g klapper

1 el olyfolie

130 ml water

  • Meng water en olie
  • Meng alles saam
  • Sprei mengsel uit in ‘n oondbak en plaas reg onder die vrugte
  • Bak vir 40 minute
  • Bedien granola met vetvrye wit jogurt en vrugte

Write a new comment: (Click here)

SimpleSite.com
Characters left: 160
DONE Sending...
See all comments

| Reply

Latest comments

30.08 | 12:44

It seems really a nice sharing due to its informative stuff which I will share with my dad after my https://www.goldenbustours.com/seattle-tour-packages/

...
06.05 | 19:10

...
05.05 | 20:47

Het baie geniet. Dankie.Tuinmaak my passie. Meestal onbekende musiek vir my, maar pragtig.

...
07.04 | 20:46

Hi Nalene, watter datums het jy 'n probleem mee. Dié van Dr Nel van Heerden? Madelie

...
You liked this page