Terte

Vinnige, maklike, appelstrüdel

Die koppie dateer hier uit die 1870's.

Voorverhit oond tot 190°C

2 velle filodeeg (deesdae orals beskikbaar)

1 tl kaneel

40 ml strooisuiker

80 ml Mariebeskuitjiekrummels, effens gebraai in ‘n bietjie botter

½ tl botter vir braai van beskuitjiekrummels

1 el botter, gesmelt vir die verf van die filodeegvelle

Skil van een suurlemoen

½ suurlemoen se sap

2 Grannysmith appels, geskil en in dun skyfies gesny en met suurlemoensap bedek

80 ml bosbessies

  • Verf filovelle een vir een met gesmelte botter – behou orige botter
  • Plaas die velle opmekaar
  • Meng die res van die bestanddele
  • Rangskik vulsel op die filovelle (in die lengte)
  • Draai die vulsel toe met die deeg om ‘n pakkie te vorm
  • Verf die pakkie met gesmelte botter
  • Bak so 20 minute by 190°C tot goudbruin
  • Laat afkoel en bestuif met gesifte versiersuiker
  • Kan ook bedien met geklopte room of  vanielje roomys

Genoeg vir twee ruim porsies, of drie indien met roomys bedien.

Sout pampoentert

125ml suiker

125ml sagte botter

3 eiers

5ml sout

250ml meelblom

7.5ml bakpoeier

500g koue, gaar pampoen (‘n groot botterskorsie behoort genoeg te wees

¾ tl komynsaadjies

Parmesaankaas om bo-oor tert te sprinkel

Pampoenpitte

2 velle filodeeg, elke vel in 4 dele gesny

15 ml gemelte botter

 

  • Voorverhit oond tot 180°C
  • Verf filo liggies met die gesmelte botter
  • Voer ‘n gesmeerde tertpan daarmee uit sodat dit soos ‘n blommetjie lyk.  Moenie die rande afsny nie – laat dit oor die rand van die pan hang
  • Room botter en suiker
  • Klop eiers een vir een by
  • Voeg die sout, meelblom en bakpoeier by en meng deeglik
  • Roer die pampoen by
  • Gooi pampoenmengsel in die tertpan
  • Frommel die filodeeg se kante op om ‘n rand binne die tertpan te vorm (sien foto)
  • Bak vir 45 minute tot ferm
  • Rasper ‘n dun lagie parmesaankaas oor die tert
  • Garneer met pampoenpitte of  brosgebakte stukkies spek

 

Bloukaastert

200g bloukaas

125ml room

2 eiers

2 velle filodeeg

gesmelte botter

  • Voorverhit oond tot 180°C
  • Verf filo liggies met die gesmelte botter
  • Sny elke vel in 4 gelyk dele
  • Voer ‘n tertpan daarmee uit.  Moenine die punte afsny nie – laat dit oor die rand van die pan hang
  • Krummel die bloukaas in die pan – versprei eweredig op die bodem
  • Klits eiers en meng dit dan met die room
  • Giet die eiermengsel oor die bloukaas
  • Frummel die punte van die filo om ‘n rand te vorm binne die tertpan (sien foto)
  • Bak 30 tot 35 minute by 180°C
  • Bedien net so as ‘n soutgereg met slaai, of saam met ingemaakte kwepers, of vars of ingemaakte pere, vars vye of groenvyekonfyt.
Tamatie-en fetatertjies

Tamatie en fetatertjies

Deeg

200g koekmeel

1 ml sout

100g botter

45ml koue water

  • Sif meel en sout saam in ‘n groot mengbak
  • Sny botter in blokkies en voeg by meel
  • Vryf botter in meel tot dit soos fyn broodkrummels lyk
  • Voeg koue water by en vorm ‘n deeg
  • Bedek met kleefplastiek en laat vir 30 minute in yskas rus
  • Rol deeg uit op meelbestrooide oppervlak en druk sirkels uit met ‘n koekiedrukker
  • Spuit klein pannetjies, bv muffinpannetjies, en voer uit met die deeg

Vulsel

Voorverhit oond tot 180°C

100g fetakaas

18 klein kersietamaties

Handvol vars basiliekruid, gesny in dun repe

2 eiers

200ml room en 50ml suurroom, gemeng

Varsgemaalde swart peper

  • Krummel fetakaas en vul tertbakkies daarmee
  • Sny kersietamaties in skywe
  • Plaas ‘n paar stukkies op die fetakaas te same met  bietjie basiliekruid
  • Klits eiers en room goed en vul bakkies met roommengsel
  • Geur met swartpeper en bak vir 20 tot 25 minute
  • Die tertjies is op hul lekkerste as jy dit koud voorsit

Ek het die tertjies in groot muffinpannetjies en rysvormpies gebak.  Uiters geskik vir vleislose ete saam met ‘n slaaitjie.

Resep van “Sarie”.

Pynappel – en klappertert

Koek

2k meelblom

1 tl koeksoda

2k suiker

2 eiers

1 tl vanielje ekstrak

1 blik fyn pynappel

Versiersel

125ml botter

5 ml vanielje ekstrak

2/3 k ingedampte melk

1k suiker

1k gekapte pekanneute

1 k klapper

  • Voorverhit oond tot 180°C
  • Meng al die koekbestanddele
  • Skep in ‘n groot langwerpige tertpan
  • Bak vir 40-45 minute tot gaar
  • Druk met die agterkant van ‘n houtlepel orals gate in

Versiersel

  • Verhit botter, vanielje, melk en suiker tot kookpunt
  • Voeg klapper en neute by en kook vir 5 minute
  • Smeer oor die koek sodra dit uit die oond uit kom

 Resep van "Incrediblerecipes.com"

Franse vrugtetert (clafoutis)

1 k melk

3 eiers

125ml suiker

1 tl vanielje ekstrak

2 el gesmelte botter

125 ml meelblom

Vars vrugte: 1 peer, 1 groen appel, 1 pruim, paar donker druiwekorrels, paar aarbeie

  • Voorverhit oond tot 200°C
  • Klits die eerste 5 bestanddele saam
  • Voeg nou die meel by en klits tot ‘n gladde mengse
  • Skep die mengsel in ‘n glasbak
  • Rangskik die vrugte bo-op  
  • Bak vir 30 tot 40 minute tot goudbruin

Daar was ‘n soorgelyk  tert op ‘n episode van “Kokkedoor”, maar ek dink hulle het ‘n broskors gebruik. Die clafoutisdeeg vorm egter sy eie tipe kors.

Die Franse gebruik tradisioneel pruime of kersies, of seker enige steenvrugte in seisoen.

Melktert met smeerkors

Smeerkors

1 eier

125ml botter

25ml strooisuiker

2 ml vanieljegeursel (vir ‘n soet tert)

125ml meelblom

7 ml bakpoeier

Knippie sout

  • Skei die eier
  • Room die botter, suiker
  • Sif die droë bestanddele saam en meng in by die eiermengsel
  • Klits die eierwit tot stywe punte
  • Vou versigtig in die meelmengsel
  • Smeer ‘n dun lagie van die deeg op die bodem en die kante van die bak
  • Vul met vulsel van jou keuse en bak

Vulsel:

Vulsel

500 ml melk

125g botter

125 ml mielieblom

125 ml strooisuiker

1 eier

Knippie sout

1 tl vanielje ekstrak

  • Kook melk en botter stadig tot botter gesmelt het
  • Maak mielieblom aan met ‘n bietjie water tot ‘n pappie
  • Voeg res van die bestanddele by – sorg dat eier ingeklits is
  • Voeg by die melk en kook stadig vir 10 minute terwyl jy dit die heeltyd roer
  • Jy kan dit ook gebruik as 'n vulsel vir pannekoek

Suurlemoen yskastert met byt

1 houertjie BBQ en heuning roomkaas

125 ml wit jogurt

1 blik kondensmelk

Sap en fyn gerasperde skil van 2 suurlemoene

Kors

1 pak Mariebeskuitjekoekies, fyn gerol

125ml gesmelte botter

  • Meng die kokeis en die botter en druk die mengsel styf vas op die bodem van ‘n tertpan
  • Laat koud en hard word

Tert

  • Klits die roomkaas, jogurt, kondensmelk, suurlemoensap en skil deeglik saam
  • Gooi op die kors en laat stol in die yskas
  • Rasper ‘n bietjie suurlemoenskil oor voor bediening

Murgpampoentjie- en brokkoliquiche

160 g brosdeeg

20 g botter

1 murgpampoentjie, gerasper

Sout en peper

100 g brokkoli, in klein takkies gebreek

2 eiers

180 ml melk

50 g gerasperde cheddarkaas

  • Verhit oond tot 200°C
  • Rol die kors 5mm dun uit, voer die bord daarmee uit en verkoel dit dan vir 30 minute in die yskas
  • Plaas bakpapier bo-oor die kors en vul met droë bone
  • Bak vir 10 tot 15 minute tot ligbruin en droog
  • Verminder die hitte na 180°C
  • Braai die murgpampoentjie in die botter tot gaar, sout en peper
  • Dreineer in ‘n sif
  • Blansjeer die brokkoli in kookwater vir 2 minute
  • Dreineer
  • Roer by die murgpampoentjies
  • Versprei die mengsel oor die tertkors
  • Klits eier en melk saam, sout en peper
  • Voeg die helfte van die kaas by en klits weer
  • Gooi die eiermengsel in die kors
  • Strooi oorblywende kaas bo-oor
  • Bak vir 30 minute tot goudbruin en net gestol.

Die resep (BBS Food), gee die baktyd aan as 40 tot 45 minute, maar myne was na 30 minute al gaar en die kors amper te bruin.

Dis ‘n heerlike quiche, en baie ekonomies om te maak.

 

Korslose aspersietert

250 gr ontbytspek 
250 ml koekmeelblom
1 groot uit, fyn gekap 
450 gr blik tert aspersies
250 gr margarien 
± 900 ml melk
250 ml gerasperde cheddarkaas 
50 ml fyn gekapte pietersielie
10 ml aangemaakte Mostert 
2 ml sout
Knippie rooi peper 
4 eiers, wit en geel geskei

Voor verhit die oond tot 180 °C

Smeer groot vierkantige oondbak, of twee rondes.

Metode:
1. Sny spek in stukkies – braai spek en uie in pan. Haal uit en hou eenkant.
2. Smelt margariene in pan – roer koekmeel by en verwyder van stoof.
3. Dreineer aspersies – hou aspersiewater eenkant en voeg die melk by tot ongeveer 1 liter vloeistof.
4. Voeg melk en aspersiewater by meel.
5. Plaas terug op stoof en roer tot kook.
6. Verwyder van stoof.
7. Voeg spekmengsel, aspersies, kaas, pietersielie, sout en peper by – meng goed.
8. Skei eiers – klits eiergele met vurk en roer by die mengsel.
9. Klits eierwitte tot styf.
10. Vou in by aspersiemengsel (mengsel moet styf wees).
11. Gooi mengsel in oondbak.
12. Bak vir 40 minute tot goudbruin en gestol.

Kommentaar:

'n Heerlike resep. As ek dit weer maak, sal ek darem maar 'n korsie bysit - mens mis die "crunch" daarvan.

Nou is die tyd om te belê in voorwerpe van die vyftiger-en sestigerjare, Soos die vasie en die vlekvrystaal tertbak.  Dit is die antieke van die toekoms.

Resep van Liplekker.co.za

 

Marmite- en roosmaryntert

90 g botter

1 eier

250 ml melk

10 ml bakpoeier

200 ml strooisuiker

375 ml meel

2.5 ml sout

30 ml fyn gekapte roosmaryn

Sous

250 ml gerasperde kaas

10 ml Marmite

125 ml gesmelte botter

  • Room botter en suiker saam
  • Voeg eier by en meng
  • Voeg droë bestanddele om die beurt met die melk by en meng goed
  • Bak in gesmeerde tertbord vir 30-40 minute by 180 °C
  • Smelt intussen die botter en roer Marmite by
  • Prik tert met ‘n vurk wanneer gaar
  • Gooi sous oor
  • Rond af met gerasperde kaas 

 

Write a new comment: (Click here)

SimpleSite.com
Characters left: 160
DONE Sending...
See all comments

| Reply

Latest comments

30.08 | 12:44

It seems really a nice sharing due to its informative stuff which I will share with my dad after my https://www.goldenbustours.com/seattle-tour-packages/

...
06.05 | 19:10

...
05.05 | 20:47

Het baie geniet. Dankie.Tuinmaak my passie. Meestal onbekende musiek vir my, maar pragtig.

...
07.04 | 20:46

Hi Nalene, watter datums het jy 'n probleem mee. Dié van Dr Nel van Heerden? Madelie

...
You liked this page