Oppie water...

Die uwe was van kleins af baie lief vir die water - dis nou om te swem.  Ons het 'n paar erwe aanmekaar gehad op Jacobsdal met 'n regte windpomp en dam.

Was daar al ooit iets lekkerder as om aan die pyp te hang en die skoon, skoon boorgat water te drink terwyl dit in die dam inloop?

Bootritte het ons as kind nie eintlik geken nie, behalwe vakansietye op Mosselbaai 'n rit om Robbe eiland of by Knysna na die Heads. 

Die Rietrivier by Jabobsdal is nou nie eintlik wat 'n mens 'n bevaarbare rivier sal noem nie, en die Eersterivier by Stellenbosch, waar ons later gewoon het, nog minder.

Toe ek dus die eerste keer die Teems sien, my eerste aanblik van 'n groot rivier, was dit liefde met die eerste oogopslag.   

Elke keer wat ek in London kom, gaan ek so gou as moontlik na die Teems toe om te groet, en voor ek vertrek, weer so.

Die Teems is darem mos immers een van die groot liefdes in my lewe :0)

Die laaste paar jaar kon ek darem 'n wonderlike paar bootreise meemaak.

Die Teems in die aand.

Die Teems

Langboot op die rivier by Oxford.

'n Moet vir elkeen wat London besoek, is 'n rit op die Teems.  Dit sluit gewoonlik ook 'n besoek aan Greenwich in. 

Wat 'n lieflike plek is dit tog nie - nie net die amptelik 0-grade lyn om te sien nie, maar ook van die mooiste ou historiese geboue in Engeland.

Ek het egter ook al met 'n boot na Oxford se kant toe gery - tot by Kew en Hampton Court. Lekker om die langbote en die roeiers dop te hou.

Wil darem ook bitter graag nog eendag op so 'n regte "long boat" op die kanale rondvaar.

Die "Painted hall".
Toeristeboot op pad na Greenwich

Parys en die Seine

In 2014 so 'n rit op die Seine in Parys belewe. Ongelooflik!

EN toe kom 2015... Reis op Die Norwegian Star op die Baltiesesee

Die Baltiese reis doen aan by Denemarke, Duitsland, Estonië, Rusland, Finland en Swede.

2016 - New York en Washington DC

Skemeraand op 'n boot in New York.

Op soek na kersiebloeisels in DC

Kersiebloeisels om die "tidal basin"

Op soek na DC se beroemde kersiebloeisels, het ons, dis nou ek en Susan, my dogter, spesiaal 'n trapbootjie bespreek om reg om die "tidal basin" te on trap om die bloeisels te sien.

EN toe ons daar kom is die goed net af  - uitgeblom- hier en daar darem nog 'n troosprysie te sien.

Wat 'n teleurstelling!

Die uwe op die trapbootjie.

EN later in die jaar - rivierboottoer op die Imperiëlekanale en die Wolga in Rusland

Van St Petersburg na Moskou
Rooplein in Moskou in die aand... Asemrowend.
En as alles goed gaan - van die 28e November tot 2 Desember, maw van more tot Vrydag, op die Sinfonia vanaf Durban na die Portugese eilande. Kannie waggie!

Write a new comment: (Click here)

SimpleSite.com
Characters left: 160
DONE Sending...
See all comments

| Reply

Latest comments

06.05 | 19:10

...
05.05 | 20:47

Het baie geniet. Dankie.Tuinmaak my passie. Meestal onbekende musiek vir my, maar pragtig.

...
07.04 | 20:46

Hi Nalene, watter datums het jy 'n probleem mee. Dié van Dr Nel van Heerden? Madelie

...
07.04 | 09:09

Kan iemand dalk sê die datums klop nie... Die datums wat op foto's is en die ouderdom wat sy behoort te wees, werk nie lekker saam nie. Kan iemand dalk help?

...
You liked this page