Denemarke en musiek

Kopenhagen

Al wat ek van Denemarke geweet het toe ek dit onlangs tydens 'n bootrit op die Baltiesesee vir die eerste gesien het, was wat ons in Sosiale Studie in standerd agt geleer het.  Dit is nou, dat die plek suiwelprodukte, veral botter en kaas produseer.

Hoewel ek twyfel of ons enige Lurpakproduseerders gesien het, was daar darem baie ander ongelooflike goed om na te kyk.

EN heerlike kase om daar te eet en om saam te bring huis toe.

Deense musiek

Het ook niks van Deense musiek geweet nie, nog nie eintlik 'n Grieg of Fidelius soos Noorwëe en Finland opgelewer nie.

Wat was dit dus 'n verrassing om met die ongelooflike Deense kore en koormusiek kennis te maak: lieflike, helder, suiwer skoon klanke.

Luister bietjie na hierdie meisieskoor

Deense argitektuur

Die Bella Skyhotel, Kopenhagen

Die Dene, maar seker eintlik al die Skandinawiese lande, is mos darem beroemd vir hulle ongelooflike ontwerp, nie alleen van geboue nie, maar ook meubels en glasware.

Ons hotel in Kopenhagen, het dus nie teleurgestel nie.  Die 'n gewone toeriste hotel, niks vyfster nie, maar net ongelooflike goed ontwerp en mooi.

Die kamers is heeltemal klankdig - hoor nie jou bure nie, hoor nie iemand wat in die gang verbyloop nie, en hoor selfs nie die reuse vliegtuie wat vanaf die lughawe daar naby opstyg nie.  Jy sien hulle net in die lug verby vlieg. 

Twee toringgeboue van so 22 vloere elk, met 'n bruggie aanmekaar verbind op die 23e verdieping.  Eie windlaaier kragopwekker en die Bella het selfs sy eie treinstasie.

Die voorportaal
Klavier in die kroeg op die boonste vloer.
Hele muur van potplante.
Die Bella in die aand.
Paaslied gesing deur Kirsten Flagstad.
Blykbaar is die woorde Deens, die komponis 'n Fin en die sangeres Noorweegs.
Denemarke, tuiste van Hans Christiaan Andersen. Die meerminbeeldjie is ter ere van een van sy verhale opgerig.
"Wonderful, wonderful Copenhagen " uit die rolprent oor die lewe van Hans Christian Andersen
Kerstyd in Denemarke

'n Wit Kersfees

Ai, om darem eendag 'n wit Kersfees in Skandinawië te kan deurbring en na hulle wonderlike kore en kersliedere te kan luister... 

Deense kersliedere

Treinvervoer in Kopenhagen

Ons het 'n hele paar keer met die trein vanaf Bella Skystasie na die middestad en terug gery.  Nêrens hoef ons ooit ons kaartjies te gewys het nie, en daar was ook geen kondukteur te siene om die kaartjies te knip nie - ongelooflik.

Die treine is almal bestuurderloos - dus niemand wat kan staak nie.  Hemel op aarde.

Bestuurderlose treine
Pragtige opname van 'n lied van Langgaard, 'n Deense komponis, gesing deur Ars Nova.

Oresundbrug tussen Denemarke en Swede

Oresundbrug.

Hierdie brug-tonnel is 'n paar kilometer lank oor die see gebou en verbind Denemarke met Malmo, in Swede.

Die brug is so hoog dat ons groot passasierskip, die Norwegian Star, daar onder deur gevaar het.

Ons het ook twee keer met 'n bus daaroor gery in 'n hewige wind - 'n skrikwekkende ondervinding.

 

Kerkmusiek

Deense kerk.

Die Dene het goeie, tradisionele gesange waarvan heelwat blykbaar deesdae net in konserte gehoor word.

Hoe jammer tog. 

Tradisionele musiek

Net soos die gesange, word die tradisionele musiek en instrumente deesdae ook maar selde gehoor.

Die Deense volkslied

Tchaikovsky

Interessante, vir ons onbekende komposisie van Tchaikovsky - met as tema die Deense volkslied.  Volgens "Wikipedia":

"During his time at the Moscow Conservatoire, around September 1866 the school's principal, Nikolay Rubinstein commissioned Pyotr Ilyich Tchaikovsky to compose a Festival Overture on the Danish National Anthem to be played for the visit of the Tsarevich (heir to the throne) to Moscow, accompanied by his new Danish bride, Princess Dagmar of Denmark. The Tsarrevich would eventually be crowned Tsar Alexander III of Russia and remain a devoted follower of Tchaikovsky's music, awarding the composer both the Order of St. Vladimir (Fourth Class) in 1884 and a state pension in 1885."

Write a new comment: (Click here)

SimpleSite.com
Characters left: 160
DONE Sending...
See all comments

| Reply

Latest comments

30.08 | 12:44

It seems really a nice sharing due to its informative stuff which I will share with my dad after my https://www.goldenbustours.com/seattle-tour-packages/

...
06.05 | 19:10

...
05.05 | 20:47

Het baie geniet. Dankie.Tuinmaak my passie. Meestal onbekende musiek vir my, maar pragtig.

...
07.04 | 20:46

Hi Nalene, watter datums het jy 'n probleem mee. Dié van Dr Nel van Heerden? Madelie

...
You liked this page