Nagereg/poeding

1 liter melk

2 eiers

1k suiker

50ml mielieblom

20ml vlapoeier

5 ml vanieljeekstrak

2.5 ml amandelgeursel

Knippie sout

Kaneel om oor te strooi

Geroosterde amandelvlokkies vir garnering

• Verhit 750ml van die melk en die suiker tot suiker opgelos is en melk kook
• Klits die eiers en die res van die melk effens tot goed gemeng. Voeg geursels by.
• Maak ‘n pappie aan van die mielieblom, vlapoeier en sout saam met ‘n titsel melk
• Roer by die ander melk sodra dié begin kook
• Hou aan roer tot die mengsel dik word – dit word baie gou dik
• Strooi kaneel en amandelvlokkies oor voor bediening

Jy kan die mengsel ook oor ‘n beskuitjiekrummelkors gooi vir ‘n tert .  Die hele oefening neem letterlik net so 5 minute

Stroop

3 x 250 ml water

200ml suiker

7 ml fyn gemmerpoeier

• Gooi in swaarboomkastrol met digte deksel
• Laat kook vir ’n paar minute

Deeg

125ml botter

125ml heuning/gouestroop

5 ml koeksoda

1 eier, geklits

300ml koekmeelblom

Knippie sout

• Smelt botter en heuning/gouestroop 
• Roer en voeg dan die res van die bestanddele by – meng weer
• Skep die deeg in die kokende stroop
• Kook vir 7 minute oor middelmatige hitte, maar moenie die deksel lig nie
• Sit voor met vla of vanieljeroomys

Ideaal vir kampeerders

180 g bruismeel

45 ml kakao

125 ml suiker

200 ml melk

60 ml gesmelte botter

Stroop

125 ml suiker

500 ml water

125 ml kakao

• Voorverhit oond tot 180°C
• Meng al die bestanddele, behalwe vir die stroop, saam tot glad
• Skep beslag in ‘n 1l bak
• Verhit bestanddele vir die stroop tot kookpunt
• Gooi die warm stroop oor die besslag
• Bak 20 tot 25 minute tot toetspen skoon uitkom

Kommentaar

Ek het neutestukkies bygevoeg, asook rumgeursel, of gooi so 60 ml whisky oor wanneer die koek uit die oond kom

Resep van “Sarie”

Gebruik die smeerkorsie by die resep vir melktert op hierdie blog

Voor verhit oond to 180°C

Vulsel:

175g sagte botter

175g strooisuiker

1 pakkie amandelstukkies

2 eiers

3 ryp pere, geskil, stronke verwyder en gehalveer

• Room botter en suiker tot lig en romerig
• Voeg die botter en suikermengsel by die amandelstukkies en meng
• Klop die eiers een vir een by
• Pak die pere op die korsie (ongebak)
• Gooi die degie oor en bak vir 40 minute tot goudbruin

Vulsel

500 ml melk

125g botter

125 ml mielieblom

125 ml strooisuiker

1 eier

Knippie sout

1 tl vanielje ekstrak

• Kook melk en botter stadig tot botter gesmelt het
• Maak mielieblom aan met ‘n bietjie water tot ‘n pappie
• Voeg res van die bestanddele by – sorg dat eier ingeklits is
• Voeg by die melk en kook stadig vir 10 minute terwyl jy dit die heeltyd
• Laat afkoel en gebruik as vulsel vir pannekoek

200 ml room

50g strooisuiker

6g gelatien

250 ml volroom Griekse jogurt

60 ml nartjiesap (so 2 nartjies, hou sap wat oor is vir die stroop)

Gerasperde skil van een nartjie

Geroosterde swart sesamesaadjies vir garnering

Stroop

125 ml suiker

125 ml nartjiesap

5 ml rooswater

• Verhit room, nartjie sap en skil en suiker oor lae hitte tot suiker gesmelt het
• Verhoog hittegraad en bring mengsel tot kookpunt
• Verwyder van die stoof, en laat ten minste vir 5 minute staan
• Plaas 50 ml louerige water in 'n bakkie en strooi gelatien oor.  Los vir so 2 minute
• Voeg jogurt by en meng deeglik tot gelatien alles opgelos het
• Plaas jogurt in mengbak en roer roommengsel geleidelik by
• Giet in glasies of vormpies as jy dit wil uitkeer
• Kook ‘n stroop van 125 ml suiker, 125 ml nartjiesap en 1 tl rooswater

Skep 'n klein skeppie van die koue stroop in die middel van elke pannacotta net voor bediening.  Garneer met swart sesamesaadjies. 

275g wit sjokolade, fyn gekap

600g room

1/3k strooisuiker

1 tl vanielje ekstrak

2 el kookwater

2 tl gelatien

250g wit jogurt

Wit sjokolade- en olyfkoekies

• Meng sjokolade, room, suiker en vanielje in ‘n kastol
• Verhit vir so 5 minute tot sjokolade gesmelt het en mengsel glad en deurwarm is (nie kook)
• Verwyder van die hitte en laat effens afkoel vir 5 minute
• Sprinkel gelatien oor die kookwater, klits met ‘n vurk tot gelatien opgelos het en laat staan om effens af te koel
• Voeg by die roommengsel, meng deeglik en laat staan vir 15 minute
• Meng die jogurt goed in en gooi die mengsel dan in glasies of vormpies
• Plaas in die yskas tot gestol (so 6 ure)
• Bak intussen die witsjokolade- en olyfkoekies.
• Bediening: Sny vir elke pannacotta ‘n langwerpige stukkie uit ‘n beskuitjie (vir garnering ) en krummel die res daarvan om bo-op die pannacotta te bedien saam met ‘n paar stukkies gekapte olyf.

Pannacottaresep van http://www.taste.com.au 

Wit sjokolade-en olyfkoekies

200g sagte botter

100g strooisuiker

1 eier

300g koekmeelblom

5 ml bakpoeier

Knippie sout

50g swart olywe, pitte verwyder en fyngekap (sonder enige vloeistof)

80g wit sjokolade, fyngekap

• Voorverhit die oond tot 200 °C
• Voer ‘n bakplaat uit met gesmeerde bakpapier
• Room botter en suiker tot lig en donsig
• Klop die eier by
• Sif meel, bakpoeier en sout bietjie vir bietjie by
• Klop goed tot ‘n stywe deeg gevorm word
• Voeg olywe en sjokolade by
• Breek stukkies deeg af en druk plat (dun), op die bakplaat
• Bak 10 tot 15 minute tot goudbruin
• Bedien saam met sjerrie vir voorgereg of as 'n nagereg met vanieljeroomys en kersiecoulis (stroop)

Basiese resep uit "Two", van Seline en Leandri van SA Masterchef faam

150g vars frambose

1 tl versiersuiker

55g Turkse lekkers (Turkish delight), van dié wat met sjokolade bedek is

Vanielje roomys

Vir bediening

1 plaak donker sjokolade

125 ml geroosterde neute (grof gekap)

Vars kruisement

• Verpulp die frambose en versiersuiker
• Kap die Turkse lekkers in growwe stukke
• Skep ‘n laag roomys in glasbakkies, dan ‘n laag framboospuree en Turkse lekkers
• Garneer met stukkies donkersjokolade, die gekapte neute en die kruisement

Resep: Garden en Home

1 blik ligte klappermelk

17ml gelatien

80ml gouestroop

15 appeliefies, fyn gesny

15ml boegoebrandewyn

Paar heel appelliefies vir garnering

• Week appeliefies in die boegoebrandewyn terwyl die melk verhit word
• Meng 1k melk en gelatien in ‘n kastrol – laat staan vir 5 minute
• Verhit stadig tot die gelatien opgelos het.  MOENIE DIT KOOK NIE.
• Verwyder van die hitte en voeg gouestroop en die res van die melk by
• Gooi in bakkies en laat stol
• Garneer 

Ons ken dit as “snackwiches”.  Het deur die jare miljuisende “snakwiches” gemaak, maar almal met ‘n soutvulsel.  Hierdie soet appelvulsel is op “Australian Masterchef” gemaak.  Jy moet dit probeer.  Ek het sommer bruin brood gebruik – dit vorm ‘n heerlike broskorsie.

1 blik tertappels

15 ml brandewyn

125 ml rosyne

Knippie sout

• Kook alles saam tot sag

Paar spekulaasbeskuitjies, gebreek

Suiker, kaneel en gemengde speserye na smaak.  Onthou die karamelsous is baie soet.

• Maak die broodjies soos gewoonlik in jou ”snakwich” masjientjie
• Bedien met karamelsous

Herman Lensing se karamelsous

200g witsuiker

100ml water

50g botter

Knippie sout

125ml room

• Verhit die suiker in die water en klits met ‘n draadklitser tot die suiker opgelos is
• Bring tot kookpunt en laat vinnig kook (sonder om te roer), tot ‘n goue karamel vorm
• MOENIE DIE SOUS ROER NA DIE SUIKER OPGELOS HET NIE
• Verwyder van die hitte en voeg botter by.
• BEWEEG DIE POT STADIG HEEN EN WEER TOT DIE BOTTER GESMELT HET.  MOENIE DIT ROER NIE!
• Voeg room by.  NOU KAN JY DIE MENGSEL NA HARTERLUS ROER met ‘n draadklitser tot ‘n gladde karamelsous.
• Eet en geniet :0) 

250 ml room

1 vanieljepeul, saadjies geskraap

60g strooisuiker

6g gelatien

250 ml volroom Griekse jogurt

15 vars appeliefies, fyn gekap

Ingelegde citrustukke soos kumkwat of lemoen

• Verhit room, vanielje, suiker en appeliefies oor lae hitte tot suiker gesmelt het
• Verhoog hittegraad en bring mengsel tot kookpunt
• Verwyder van die stoof
• Plaas 50 ml water in 'n bakkie en strooi gelatien oor.  Los vir so 2 minute
• Voeg roommengsel by en meng deeglik tot gelatien alles opgelos het
• Laat vir 5 minute afkoel
• Plaas jogurt in mengbak en roer roommengsel geleidelik by
• Giet in glasies 
• Garneer met vars appeliefies en citrusstukkies

Alles eetbare blomme - gousblomme, kappertjies en gesiggies.

5 ongeskilde appels, gehalveer en stronke verwyder

4 eiers, geskei

1 suurlemoen, skil gerasper en sap daarna uitgedruk van ½ een

2 el suiker

300g suurroom

1 el meel

Suur bessiekonfyt (grof, met heel bessies), bv kersie, framboos ens.

• Smeer ‘n oondbak
• Pak halwe appels daarin met ronde kant onder
• Vul die holtes in die appels met die konfyt
• Klop alles saam (behalwe eierwit) en meng goed
• Klits die eierwitte tot medium punte stadium
• Vou versigtig in die mengsel
• Bak by 120°C vir 50 minute tot die appels sag is goudbruin

Resep: Russian Kitchen

Ek het onlangs op die lughawe van Abu Dhabi, verskillende dadelhappies as geskenkies gekoop. 

Die goed was peperduur en maar effentjies. By die huis het ek toe ‘n paar verskillende happies self probeer maak.

MAKLIK EN GOEDKOOP!  Ideale plaasvervanger vir nagereg.

Koop vars, heel dadels, nie te groot nie, anders is die ou spulletjie te soet.

Dadels met heel amandels

Vars, heel, dadels

Heel, afgedopte amandels, effens gerooster in die oond

• Maak ‘n snit in die lengte van elke dadel en vul met ‘n heel amandel

Sjokolade dadels

Vars, heel, dadels

Goeie kwaliteit sjokolade

Hout, sosatiestokkies

Bloemiste oase

• Steek ‘n stokkie aan die bo-punt van elke dadel
• Smelt die sjokolade in ‘n bak oor kokende water.  Die bak moet nie aan die water raak nie
• Doop die dadel in die gesmelte sjokolade en steek die stokkie dan in die oase sodat die dadels kan droog word

Sjokolade-en neut dadels

Vars, heel, dadels

Goeie kwaliteit sjokolade

Hout, sosatiestokkies

Bloemiste oase

Gevlokte amandelstukkies, effens gerooster in die oond.  Laat koud word

• Steek ‘n stokkie aan die bo-punt van elke dadel
• Smelt die sjokolade in ‘n bak oor kokende water.  Die bak moet nie aan die water raak nie
• Rol die amandelvlokkies fyner met ‘n rolstok tot klein stukkies, maar nie tot poeier nie  
• Doop die dadel in die gesmelte sjokolade en rol dit dan in die amandels
• Steek die stokkie in die oase om droog te word

20 rabarberstingels, so 20cm lank elk, gewas en in stukkies gesny

150g strooisuiker

Krummelbolaag

250g koue botter, in stukkies gesny

350g koekmeelblom

100g bruinsuiker

Knippie sout

50g rosyne of vrugtekoek vrugte

versiersuiker (gesif), vir afronding

• Voorverhit oond tot 170°C
• Kook rabarber en strooisuiker oor lae hitte vir 5 minute, roer gereeld
• Verwyder van die hitte en hou eenkant
• Krummel bolaag: vryf die botter in die meelblom, sout en bruinsuikermengsel tot krummels gevorm word en roer dan rosyne by
• Gooi die rabarber in ‘n tertpan en strooi krummelmengsel oor
• Bak vir 15 minute tot die krummels goudbruin is
• Bestuif met versiersuiker en bedien warm met vla of roomys

Resep van taste.au.com

150g klein malvalekkers

50g sagte botter

250g donkersjokolade, fyn gekap

60ml warm water van ketel wat onlangs gekook het

284 ml room

1 tl vanielje ekstrak of 1 vanieljepeuel se saadjies uitgekrap

• Gooi malvalekkers, sjokolade, botter, en water in ‘ n swaarboom kastrol
• Verhit oor stadige hitte tot lekkers en sjokolade gesmelt het
• Verwyder van die stoofplaat
• Klop intussen die room en vanielje tot dik
• Vou die sjokolademengsel versigtig in tot baie goed gemeng
• Gooi die mengsel in glase en verkoel tot geset

Resep van Nigella Lawson

1 blikkie klappermelk (light)

1 tl vanielje ekstrak of een vanieljepeuel

17 ml gelatien

1/3k heuning of goue stroop

Halwe pynappel (afgeskil en in dun stokkies gesny)

15 ml swart sesamesaadjies

5 ml botter

• Meng 1k klappermelk en gelatien .  Laat staan vir 5 minute om gelatien te laat ontwikkel
• Voeg vanielje by
• Verhit stadig tot gelatien opgelos het.  Moenie dit laat kook nie
• Verwyder van die hitte en roer heuning en die res van die melk by
• Gooi in gesmeerde vormpies of glasbakkies
• Laat stol in yskas vir ten minste vier ure
• Bak sesamesaadjies in ‘n droë pan tot die reuk sterk deurkom
• Voeg botter en pynappel by en braai pynappel tot goudbruin
• Laat volledig afkoel

Bediening:

• Ontvorm Panna Cotta
• Garneer met pynappel, sesamesaadjies en eetbare blomblare soos dié van Afrikaners of gousblomme

250 ml room

100 g nougat met neute, gekap

100 g fyn gekapte gekoopte meringue

45 ml sagte bruinsuiker

100 ml heuning

1 vanieljepeul, saadjies uitgekrap

60 ml water

12 perskes, gehalveer en ontpit

Roomys

• Klits room tot stywe puinte vorm
• Vou nougat en meringue in die room
• Skep in roomysbak en vries oornag

Perskes

• Plaas vrugte in kolwyntjiepan
• Meng suiker, heuning, vanielje en water
• Gooi ‘n bietjie van die suikerstroop oor elke perske
• Bak by 180 ° C tot sag
• Sit warm perskes voor met roomys  

 Resep van "Sarie Kos"

2 blikkies pere, gedreineer

125g koekmeel

25g kakao

5 ml kaneel

125g strooisuiker

150g botter, effens saggemaak

5ml bakpoeier

1.25ml koeksoda

Knippie sout

2 groot eiers

10ml vanieljegeursel

75g vrugte en neutsjokoladeplaak, grof gekap

60ml whiskey

Room

• Smeer ‘n oondbak 18x25cm met botter

• Sny die pere in die helfte en rangskik op die bodem van die bak

• Meng alle bestanddele saam behalwe die sjokolade, tot ‘n stywerige deeg

• Skep oor die pere

• Strooi die stukkies heel sjokolade oor

• Bak by 190°C vir 25-30 minute tot gaar

• Prik met ‘n vurk wanneer dit uit die oond kom en gooi whiskey oor

• Bedien warm met room

Alles kan voor die tyd klaargemaak word, en dan net gebak word so ‘n halfuur voor dit benodig word.

Kelkiewynresep, effens verander.

Pannacotta

200 ml room

60 ml whisky

50g strooisuiker

6g gelatien

250 ml volroom Griekse jogurt

• Verhit room, whisky en suiker oor lae hitte tot suiker gesmelt het
• Verhoog hittegraad en bring mengsel tot kookpunt
• Verwyder van die stoof
• Plaas 50 ml water in 'n bakkie en strooi gelatien oor.  Los vir so 2 minute
• Voeg room by en meng deeglik tot gelatien alles opgelos het
• Laat vir 5 minute afkoel
• Plaas jogurt in mengbak en roer roommengsel geleidelik by
• Giet in glasies of vormpies as jy dit wil uitkeer
• Verkoel tot gestol

Framboossous

60 ml suiker

1 1/2 el water

250g frambose

• Verhit suiker en water tot suiker gesmelt het
• Voeg mengsel by die frambose en verpulp
• Sif die mengsel
• Skep bo-op pannacotta wanneer lg geset het
• Garneer met gesiggies, geroosterde hawermout en basilieblare

Panna Cotta met pruim en heuning geroosterde saadjies

Pannacotta met pruim en heuning geroosterde saadjies

(Vier ruim porsies)

250 ml room

1 vanieljepeul, saadjies geskraap

50g strooisuiker

6g gelatien

250 ml volroom Griekse jogurt

Pruimkonserf, of dik konfyt

1 el gemengde saadjies (wit en swart sesamsaadjies en poppysaadjies)

1 tl heuning en 1 tl botter/kookolie.  Braai saam met saadjies in pannetjie tot karamel

• Verhit room, vanielje en suiker oor lae hitte tot suiker gesmelt het
• Verhoog hittegraad en bring mengsel tot kookpunt
• Verwyder van die stoof
• Plaas 50 ml water in 'n bakkie en strooi gelatien oor.  Los vir so 2 minute
• Voeg jogurt by en meng deeglik tot gelatien alles opgelos het
• Laat vir 5 minute afkoel
• Plaas jogurt in mengbak en roer roommengsel geleidelik by
• Giet in glasies of vormpies as jy dit wil uitkeer
• Breek saadjies met 'n vurk uitmekaar en strooi oor Panna Cotta
• Skep 'n klein skeppie van die konserf in die middel

Kommentaar:

• Kelkiewynresep
• Ideaal vir 'n laat ontbyt ("brunch')
• Nie baie soet nie

Rooibos en appeliefie Panna Cotta

Rooibos en appeliefie Panna Cotta

(Vier ruim porsies)

250 ml room

1 vanieljepeul, saadjies geskraap

60g strooisuiker

6g gelatien

250 ml volroom Griekse jogurt

Sterk rooibosekstrak - vier sakkies op 50 ml kookwater

15 vars appeliefies, fyn gekap

• Verhit room, vanielje, suiker en appeliefies oor lae hitte tot suiker gesmelt het
• Verhoog hittegraad en bring mengsel tot kookpunt
• Verwyder van die stoof
• Plaas 50 ml rooibosekstrak in 'n bakkie en strooi gelatien oor.  Los vir so 2 minute
• Voeg roommengsel by en meng deeglik tot gelatien alles opgelos het
• Laat vir 5 minute afkoel
• Plaas jogurt in mengbak en roer roommengsel geleidelik by
• Giet in glasies 
• Garneer met vars appeliefies of eetbare blomme

Kommentaar:

• Aangepaste Kelkiewynresep
• Nie baie soet nie