Franse bistro

Pommes dauphine, oftewel, aartappelvetkoekies

Hierdie goetertjies is heerlike saam met braaivleis en vinnig (en maklik) om te maak.

Vir die deeg:
250ml kookwater
250 ml botter
250 ml meelblom
2.5 ml sout
4 eiers

Vir die fyn aartappels:
2 koppies aartappel, fyngemaak met botter en melk en gegeur na smaak
Voeg 60ml fyn parmesaankaas by

• Kook die water 
• Los die botter daarin op
• Voeg nou die meelblom en sout op een slag by
• Klop vinnig en goed tot die deeg ‘n bol vorm in die middel van die kastrol 
• Verwyder kastrol van die stoof en skep deeg in ‘n mengbak
• Laat effens afkoel
• Voeg nou die eiers een vir een by en klop goed na elke byvoegsel tot ‘n sagte deeg gevorm word
• Meng gelyke dele van die deeg met die fyngemaakte aartappel, koppie vir koppie
• Roer goed
• Bak dessertlepelsvol in diep olie tot goudbruin
• Dien warm op met fyngekapte pietersielie en gerasperde kaas

 

Franse eiervruggereg

2 medium eiervrugte

2 koppies oorskietvleis of vis

2 medium uie, fyngesny en gebraai tot sag en deurskynend – sout en peper

1 dl paprika

1 el tamatiepuree

4 el suurroom

  • Sny die eiervrug in die lengte deur
  • Maak kruis en dwars snytjies oor die oppervlakte, maar moenie deursny nie
  • Besprinkel met sout en laat 30 minute staan om te sweet
  • Bak by 180°C vir so 15 minute tot sag
  • Skep die vleis van die eiervrug uit, meng met die res van die bestanddele behalwe die suurroom
  • Skep in die eiervrugdoppe
  • Skep 1 el suurroom bo op elke eiervrughelfte
  • Bak by 180° C tot goudbruin – so 15 minute  
Croque monsieur met gerookte forel

Croque Monsieur

Croque Monsieur met spek en ham

Genoeg vir vier mense

 

8 snye brood

Botter

1 k gerasperde Gruyerekaas/cheddarkaas

8 snytjies ham/gebraaide strepiespek/1 pakkie gerookte forel

Korreltjiemosterd

Dik witsous gemaak met 2 el botter, 2 el meel, klnippie sout, genoeg melk vir 'n dik sous

Sout

2 el elk basiliekruid/dille

  • Pak die snye brood langs mekaar op 'n rolkoekpan
  • Smeer die brood aan die bo-kant met botter en rooster in die oond tot bruin
  • Maak intussen 'n dik witsous en hou eenkant op die stoof
  • Verwyder die pan uit die oond en draai vier snye brood om met die skoon kant na bo
  • Smeer liggies met mosterd
  • Bedek dan hierdie vier snye met die ham of gebraaide spek of forel soos verkies
  • Indien die forel gebruik word, strooi stukkies gekapte dille oor, en basilie oor die ham
  • Bedek met die orige snye, met die geroosterde kant bo
  • Smeer versigtig 'n laag witsous oor elke broodjie
  • Strooi gerasperde kaas oor - Gruyere vir forel en cheddar vir die ham 
  • Rooster verder in die oond tot die kaas gesmelt het en begin verbruin
  • Bedien warm met sop of 'n slaai

Kommentaar

  • Hierdie broodjies is uiters gewild in Frankryk.
  • Ons het die forelvariasie gemaak in die kookklas by Kelkiewyn - baie lekker, maar die smaak is bietjie te gesofistikeerd vir klein kindertjies.  Hulle sal meer van die ham of spekvariasie hou.
  • Indien jy die dag avontuurlik voel en kans sien om geposjeerde eiers te maak, sit dit bo-op die broodjie, onder die witsous en kaas. Dit word dan Croque Madame genoem.
  • Die broodjies is baie vullend.
Sout soesiering.

Sout soesiering

Genoeg vir 6 tot 8 porsies

100g  meel

Knippie sout

75g botter

200 ml water

3 eiers, lig geklits

1 eierwit, met vurk geklits tot skuimerig

20g gevlokte amandels

Vir die vulsel:

2 bakkies roomkaas

2 el suurlemoensap

30 ml fyngekapte sprietuie

2 dourissies fyn gekap

  • Sif meel
  • Verhit botter en water in 'n dikboomkastrol tot botter gemelt is
  • Verhoog die hittegraad en laat kook
  • Sodra die water vinnig kook, voeg die meel op een slag by
  • Verlaag die hittegraad en klop die mengsel met 'n houtlepel tot dit blink en glad word en 'n bol begin vorm
  • Laat afkoel
  • Voer 'n rolkoekpan uit met bakpaper en trek 'n sirkel van 21 cm daarop
  • Druk deeg in versieksakkie met 1.5 cm versierpunt
  • Spuit 'n deegring op die sirkel, dan nog een langsaan aan die binnekant en 'n derde in die middel bo-op die eerste twee
  • Verf met eierwit en besprinkel met die amandelvlokkies
  • Bak by 220° C vir 15 minute.  Verminder die hitte en bak verder by 200° C vir 25 - 30 minute tot goudbruin en ferm
  • Verwyder uit die oond en sny 'n paar kepies aan die kante om die stoom te laat ontsnap
  • Laat afkoel en vul met roomkaasmengsel
  • Garneer die ring met stukkies dourissie en sprietuie

Deegresep van Kelkiewyn Kookskool, Pretoria,  se Marieta Pieterse

Die ring kan ook met 'n dik vlaemengsel gevul word as jy lus is vir iets soets.

Franse uiesop

Genoeg vir 6 porsies

90g botter

30 ml olyolie

1 kg uie, gehalveer en fyn opgesny

6 takkies tiemie

3 lourierblare

2.5 ml sout

15 ml meel

200 ml droë witwyn soos chenin blanc

800 ml biefaftreksel

500 ml water

Vars gemaalde swart peper

Croutons

80g Gruyerekaas, fyn gerasper vir garnering

  • Verhit botter en olie in 'n groot swaarboompan oor lae hitte
  • Voeg die uie, tiemie, lourierblare en sout by
  • Kook (omtrent 30 minute), met die deksel op die kastrol tot die uie sag is en roer af en toe om
  • Verwyder die deksel, verhoog die hitte en kook die uie tot goudbruin (omtrent 15 minute)
  • Roer die meel in, dan die wyn en laat prut vir twee minute
  • Voeg die aftreksel en water by
  • Kook sonder die deksel vir nog 30 minute en roer af en toe om
  • Verwyder die kruie
  • Proe en voeg nog sout en peper by indien nodig
  • Garneer met croutons en kaas
  • Rooster in die oond tot die kaas gesmelt het

Resep van Kelkiewyn Kookskool

 

Write a new comment: (Click here)

SimpleSite.com
Characters left: 160
DONE Sending...
See all comments

| Reply

Latest comments

06.05 | 19:10

...
05.05 | 20:47

Het baie geniet. Dankie.Tuinmaak my passie. Meestal onbekende musiek vir my, maar pragtig.

...
07.04 | 20:46

Hi Nalene, watter datums het jy 'n probleem mee. Dié van Dr Nel van Heerden? Madelie

...
07.04 | 09:09

Kan iemand dalk sê die datums klop nie... Die datums wat op foto's is en die ouderdom wat sy behoort te wees, werk nie lekker saam nie. Kan iemand dalk help?

...
You liked this page