Vinnige en geregte wat min moeite vra

Hakklihakotlet/Katleti - vleiskoekies uit Oos-Europa en Rusland

700g maalvleis

2 eiers

1k broodkrummels

1 tl sout

Peper na smaak

1 medium ui, fyn gekap en gebraai tot sag en deurskynend

3/4k koue water

4 el olie

  • Meng alles saam, behalwe 1/2k broodkrummels en die olie

  • Knie mengsel vir so 5 na 10 minute tot dit glad en lig is

  • Vorm koekies so 2 cm dik

  • Rol koekies in krummels en braai stadig tot bruin en gaar

Ek kon nie glo dat hierdie resep kan werk met al die water en die vleis wat geknie moet word nie, maar dis regtig lekker - eenvoudig maar iets besonders.

Raggmunk - Sweedse aartappelkoekies

800g gerasperde vars aartappel

90g meelblom

1 tl sout

Peper na smaak

1 eier

300ml melk

Kookolie vir vlakbraai

  • Meng eier met meel en sout

  • Voeg melk geleidelik by en klop goed tot daar geen klonte is nie

  • Voeg die aartappels by en meng deeglik

  • Braai lepelsvol oor medium hitte tot koekies rondom begin bruin word

  • Draai om en braai stadig tot bruin en gaar

  • Onthou die aartappel is rou – dit neem ‘n hele rukkie om gaar te word

  • Bedien met stukkies bros gebraaide spek of suuroom

Borscht - Russiese beetsop

2 groot bete/3 mediumgrootte

2 medium aartappels

2 el kookolie

1 medium ui, fyn gekerf

2 gerasperde wortels

1 stuk seldery

¼ kook fyn gekerf

2 lourierblare

10k water

2 blokkies hoenderaftreksel

1 klein blikkie tamatiepulp

1 el gekapte dille

Peper en sout na smaak

  • Kook die bete tot sag en behou die water waarin dit gekook is

  • Trek die skilletjies af en sny in repies

  • Braai die ui in die kookolie tot sag en deurskynend

  • Kook die aartappels in die beetwater tot sag

  • Voeg die beet en die res van die bestanddele by

  • Kook tot sag en maak dit fyn met ‘n stokklitser

  • Bedien warm of koud met suurroom

Kaassouffles

Kaassouffles. Bakkie by antiekemark gekoop vir R25.00. Nou nie antiek nie, maar van Royal Worcester.

2 el botter

2 el meelblom

½ tl sout

1 koppie fyngerasperde kaas soos parmesan

375 ml warm melk

4 eiers, geel geklits en wit styf geklop

  • Smeer die bodem van ‘n porselein- of glasbakkie
  • Maak ‘n dik witsous met die botter, meel en warm melk
  • Roer sout en kaas by tot kaas gesmelt het
  • Trek van die plaat af en roer geklitste geel van die eier by
  • Vou nou die wit van die eier versigtig in
  • Bak vir so 30 minute by 160°C tot goudbruin
  • Bedien onmiddellik

Resep uit "Kook en geniet"

Olyf -en roosmaryn hoender

Olyf-en roosmaryn hoender. Die Duitse, handgeverfde, bekertjie gekoop vir R65.00 by Voortrekkermonument se Antiekemark.

500g hoenderstukke

500ml olywe

olyfolie

vars roosmaryn

rooiwyn aftreksel

  • Pak hoenderstukke in 'n onndbak en bedruip met olyfolie en rooiwynaftreksel
  • Sout en peper na smaak
  • Strooi olywe tussen die hoender
  • Rangkik roosmaryntakkies bo-op
  • Bak by 180°C tot brui en gaar
  • Bedien met basmatirys en gemengde groente

Kommentaar

As jy nie die roowynaftreksel het nie, vervang dit met 'n titsel baslamiese asyn

 

 

Frikadelle met ryspasta

Frikadelle met rys (Rosmarino) pasta.

Frikadelle

15 ml  olyfolie

500g maalvleis

Handvol hawermout

Een groot fyngekapte ui

2 snye brood

1 eier

2 el fyngekapte pietersielie

½ tl fyn knoffel

1 tl fyn koljander

1 el asyn

1 tl sout

½ tl bakpoeier

  • Braai die ui in die olie tot sag en bruinerig
  • Roer die vleis by die ui en braai tot bruin en droog
  • Week die snye brood in ‘n bietjie melk en maak dit fyn
  • Voeg geurmiddels, hawermout, brood, bakpoeier en eier by maalvleis en vorm klein balletjies
  • Bak in oond by 180°C vir so 15 minute tot bruin en gaar

Pasta

Pasta te koop o.a. by Woolies as rosmarino/orzo/risoni – dit lyk soos groot ryskorrels

15 ml olyfolie

1 groot ui, fyn gekap

5 ml vars gekapte roosmaryn

2 toontjies knoffel, fyn gekap

1 liter hoenderaftreksel (twee blokkies opgelos in kookwater)

200g rosmarino

Parmesaankaas

  • Verhit  die olie en braai ui  en roosmaryn tot sag (omtrent 10 minute)
  • Voeg knoffel by en roerbraai vir nog 2 minute
  • Voeg aftreksel by en bring mengsel tot kookpunt
  • Roer die pasta in en kook tot uitgeswel en gaar
  • Roer frikadelletjies by en kook vir so 2 minute
  • Rasper parmesaankaas bo-oor en garneer met droë uie (koop dit by Woolies se vars sopmengsels)

Resep van “Kelkiewyn” – effens aangepas

Vinnige vleispasteitjies

Vinnige vleispasteitjies

Voorverhit oond tot 180°C

500g klaar gaar, goedgegeurde maalvleis – nie te souserig nie

375 ml melk

375 ml kookolie

4 eiers

500 ml koekmeel

6 tl bakpoeier

2.5 ml sout

10 ml aromat

  • Meng alles behalwe die vleismengsel deeglik saam – die mengsel is dikker as ‘n pannekoekmengsel
  • Skep 1 el vol deegmengsel in ‘n groot muffinpannetjie, dan ‘n opgehoopte el vleismengsel en laastens weer 1 el deegmengsel
  • Bak vir so 15 minute to goudbruin en gaar

Heerlik :0)

Lewer 12 groot pasteitjies

Resep van “Kook”

Warm vrugtedrankie vir die winter

2 liter Savannah Dry

8 cm toontjie vars gemmer, fyn gesny

10 heel kruinaeltjies

4 steranyssade

1 vanieljepeul, saadjies geskraap

4 heel stukke kaneel

110g strooisuiker

2 vars nartjies

  • Kook alles (behalwe die nartjies), saam tot suiker gesmelt het

  • Verhit vloeistof dan tot dit net begin kook en verwyder van die plaat

  • Laat staan vir 15 minute om te trek

  • Sit ‘n dun nartjieskyfie (behou die skil), in elke glas

  • Giet drankie deur ‘n sif

  • Verhit en bedien warm

Kelkiewynresep

Geroosterde parmaham toebroodjies

30g belëe cheddarkaas

45g suurroom

4.5ml mosterdpoeier

12 dun snytjies Fransebrood (skeef gesny)

15g saggemaakte botter

6 snytjies parmaham

  • Meng kaas, suurroom en mosterd

  • Smeer oor die helfte van die broodsnytjies en bedek met die ander om toebroodjies te vorm

  • Smeer botter aan die buitekante van elke toebroodjie

  • Draai ‘n snytjie parmaham om die middel van elke broodjie, sodat die kante steeds oop is

  •  Verhit ‘n groot braaipan en braai broodjies tot die kaas gesmelt is

  • Bedien warm saam met sop

Berei broodjies voor die tyd en braai dan net wanneer benodig

Kelkiewynresep

Karamel en spek springmielies

1 pakkie springmielies (net gesout) vir die mikrogolfoond

160g dun streepspek

40g botter

90g heuning

55g bruinsuiker

75g strooisuiker

Druppel suurlemoensap

5 ml koeksoda

  • Voer ‘n rolkoekpan uit met bakpapier

  • Spring die mielies en gooi uit in ‘n groot mengbak

  • Braai spek tot baie bros, so 8-10 minute

  • Dreineer op kombuispapier en kap baie fyn

  • Verhit botter, heuning en suiker en roer oor lae hitte tot suiker gemelt het

  • Verhoog die hittegraad en laat vir 3-4 minute kook tot dik en goudkleurig

  • Roer suurlemoensap by

  • Verwyder van die hitte en roer eers die spek by en daarna die koeksoda

  • Gooi stroop onmiddellik oor die springmielies en roer baie goed deur m.b.v. twee houtlepels

  • Gooi uit en versprei oor die rolkoekpan om goed koud te word

  • Besprinkel met ‘n titsel gerookte paprika (as jy het)

Kan ‘n dag voor die tyd gemaak word en in ‘n lugdigte houer gehou word.

Kelkiewynresep

Parmesaan en dourissie plaatkoekies

Soutige plaatkoekies

2.5 k bruismeel

1tl sout

1/2 tl paprika

2 goed geklitste eiers

2 opgekapte dourisies (peppadews)

1/2 k fyn parmesaankaas

2 k melk

  • Voorverhit oond tot 180°C
  • Meng alles saam behalwe die melk
  • Voeg mek bietjie vir bietjie by en klop goed
  • Bak eeetlepelsvol in vlak olie
  • Smeer met marmite en gewrasperde parmesaan, of fyn biltong
Lollipoppannetjies vir Emmenthaler - en uie lollipops
Bedek met boonste pannetjie en bak

Emmenthaler - en uie lollipops

Emmenthaler - en uie lollipops

Maak 36 lollipops

 

1 klein pakkie sout muffinmengsel (savoury)

225 g gerasperde Emmenthalerkaas

12 vars basiliekruidblare of 1 el gedroogde basiliekruid

250 ml uiemarmalade (sien onder bykomstighede of koop Woolies s'n)

2 eiers

kookolie

  • Meng muffinmengsel, kaas en basilie
  • Meng olie, water en twee eiers soos op pakkie aanbeveel
  • Voeg by droë mengsel en meng goed deur
  • Spuit lollipoppannetjies deeglik
  • Skep 1/2 dessertlepel van mengsel in elke pannetjie
  • Skep nou 1 tl marmalade bo-op
  • Maak holtetjie verder vol met deeg
  • Sit boonste pannetjie op met tuitjies na bo
  • Bak vir 20 minute by 180 °C
  • Verwyder versigtig boonste pannetjie en maak lollipops met mes los indien nodig 
  • Stippel met rooipeper as jy van 'n skerp smaak hou

Kmmentaar:  As jy nie 'n lollipoppannetjie het nie, doen dieslefde as vir die pops, maar gebruik muffinspannetjies 

Granadilla sorbet

Granadilla sorbet

1 k suiker

1 k lemoensap

2 k vars granadillapulp (so 12 na 14 vruggies)

2 groot eierwitte - geklop tot stywe punte

  • Verhit die lemoensap en los suiker daarin op
  • Voeg pulp by, meng goed en verkoel in yskas
  • Wanneer koud, plaas in vrieskas vir een uur en klits dan stywe eierwitte by
  • Terug in vrieskas en klits dit uurliks tot yskristalle begin vorm 

Resep van "Drizzle and drip

Murgpampoentjie pastagebak

Murgpampoentjie pastagebak

Gekookte  macaroni (350g rou)

1 k hamstukkies

2 el gekapte sprietuie

1 fyngekapte tamatie

1 pakkie groen murgpampoentjies, effens gekook en in skyfies gesny

Dik witsous (2 el botter en 2 el meel), maak aan met water waarin pampoentjies gekook is

Sout en peper na smaak

2 k gerasperde cheddarkaas

Fyn broodkrummels

  • Meng  alles goed saam  en plaas in gesmeerde skottel

  • Strooi  ‘n bietjie broodkrummels en gerasperde kaas bo-oor

  • Bak in gemeerde langwerpige skottel  vir 20 minute by 180° C

Kitsmengsels vir gebak

Hierdie kitsmengsels is so handig (en lekker), vir haastige en besige mense. 

EN as die kenners die stuipe wil kry daaroor dan moet hulle maar.   :0)

Daar is deesdae 'n ongelooflike verskeidenheid klaarmengsels beskikbaar: pampoenkoekies, brosbrood, aarbeimuffins, botterbroodjies en sovele ander. 

Gaan 'n bietjie met hierdie mengsels eksperimenteer oor die volgende paar weke.  'n Mens kan baie meer daarmee doen as net wat hulle op die pakkie sê.

Kits Pannekoekmengesel 

Brokkoli Quiche

1 k pannekoekmengsel (500g pakkie)

3 k fyngekapte brokkoli

4 eiers

1 rooi soetrissie, opgesny

½ k olie

½ k gerasperde cheddarkaas plus ekstra om bo-oor te strooi

Knippie knoffelsout

½ tl swart peper

½ tl oreganum

  • Verhit oond tot 180° C
  • Was brokkoli, sny op en hou eenkant
  • Meng pannekoekmengsel, eiers, olie, kaas, soetpeper stukkies, knoffel, peper en oreganum.  Roer die mengsel tot 'n nat, taaierige deeg
  • Voeg brokkoli by, meng en sorg dat die brokkoli behoorlik bedek is met die deeg
  • Gooi mengsel in 'n ongesmeerde tertpan 
  • Bak vir 35 minute tot ligbruin en geset
  • Verwyder uit die oond en besprinkel met nog gerasperde kaas

Resep van Rina Kleinhans

 

Brokkoli Quiche

Bak pannekoek van die res van die mengsel in die pakkie

Verdeel die deeg in twee.

Lemoenpannekoek

1 el poppiesaad

1 tl lemoengeursel

1 el suurlemoenskil (lemon zest)

250 ml Mascarponekaas

Suurlemoenbotter (lemon curd)

Vars suurlemoenskyfies vir garnering

  • Voeg poppiesade, lemoengeursel en skil by die deeg
  • Bak pannekoek
  • Vul met lemoenbotter
  • Bedien met mascarponekaas en suurlemonskyfies
Lemoenpannekoek

Aarbeipannekoek

1 bakkie vars aarbeie opgekap, maar behou een heel aarbei per persoon

Geklopte room of Orly Whip

  • Bak pannekoek soos gewoonweg
  • Vul met mengel van room en gekapte aarbeie
  • Garneer met heel aarbei

 

Aarbeipannekoek

Write a new comment: (Click here)

SimpleSite.com
Characters left: 160
DONE Sending...
See all comments

| Reply

Latest comments

30.08 | 12:44

It seems really a nice sharing due to its informative stuff which I will share with my dad after my https://www.goldenbustours.com/seattle-tour-packages/

...
06.05 | 19:10

...
05.05 | 20:47

Het baie geniet. Dankie.Tuinmaak my passie. Meestal onbekende musiek vir my, maar pragtig.

...
07.04 | 20:46

Hi Nalene, watter datums het jy 'n probleem mee. Dié van Dr Nel van Heerden? Madelie

...
You liked this page