Koeke en broodjies

Hierdie koek is blykbaar nou 'n groot gier by troues.

500ml strooisuiker

4 eiers

375ml sonneblomolie

500ml koekmeel

10ml bakpoeier

5ml koeksoda

10ml fyn kaneel

750ml gerasperde wortel

200ml fyn klapper

500ml fyn gedrukte piesang/turksvye (4 groot piesangs/turksvye)

410g blik fyn pynappelmoes (crushed pine)

Versiersel

250g houertjie roomkaas

50g versiersuiker

Sap van een suurlemoen

125 ml oondgebakte pekanneute, fyngekap

Metode

• Verhit oond tot 180°C
• Spuit 30cm koekpan en voer met bakpapier uit
• Klits eiers, olie en suiker saam
• Voeg meel, bakpoeier, koeksoda en kaneel by eiermengsel en roer tot glad
• Voeg die wortel, klapper, piesang, en pynappel by
• Gooi in pan en bak vir 1 uur tot gaar

Versiersel

• Meng roomkaas, versiersuiker en sap to glad
• Voeg nog suurlemoensap by na smaak indien nodig
• Voeg neute by en meng goed deur
• Versier met die suur roomkaasversiersel

Die resep is 'n mengsel van'n paar resepte, maar hoofsaaklik die resep van Herman Lensing.  Hy bak die koek met tuksvye, maar piesang is in hierdie geval, vir my persoonllik, lekkerder.

Daar het onlangs die interessantste reeks programme gewys, “Royal recipes”, oor die eetgewoontes van die Britse koninklinkes deur die eeue.  Heelwat van die resepte is gebaseer op ‘n handgeskrewe resepteboekie van ‘n assistant kok by Buckinghampaleis hier aan die begin van die vorige eeu.

Groot gunstelinge van die huidige koningin, Koningin Elizabeth, is blykbaar marmelade en gebak wat marmalade bevat.  Dundee vrugtekoek moes blykbaar oral saamgery word waar sy ookal oorsee beweeg het.  Ook g’n wonder nie, want dis vreeeeslik lekker – lig met baie vrugte, eintlik meer soos ‘n vrugtebroodjie.

175g sagte botter

175g bruinsuiker

3 el lemoenmarmelade

3 eiers, gekits

225g bruismeel

Knippie sout

25g gemaalde amandels

7.5 ml gemengde speserye

400g vrugtekoekvrugte

75g verglansde kersies, gehalveer

2 el whisky of melk

40g amandelsplinters, gerooster in ‘n pan

• Voorverhit oond tot 150°C
• Smeer en voer ‘n koekpan uit met bakpapier
• Klop die botter en eier tot lig en romerig
• Vou die marmalade in en meng deeglik
• Voeg die eiers een vir een by en klop goed na elke byvoeging
• Voeg nou die meel, gemaalde amandels, bakpoeier, gemengde speserye en sout by en meng deur
• Vou laastens die vrugte versigtig in en daarna die whisky of melk
• Skep die mengsel in die pan en maak glad bo-op
• Bak vir so 90 minute tot goudbruin en gaar
• Laat die koek 10 minute lank in die pan afkoel
• Rooster intussen die amandelsplinters tot goud-bruin en bros
• Verwyder die koek uit die pan en trek die bakpapier af
• Smeer nou die koek bo-op en langs die kante met ‘n bietjie marmalade
• Laat dit heeltemal afkoel
• Spinkel die amandelsplinters bo-oor net voor bediening

As ek die koek weer bak, gaan ek die kersies uitlaat en twee broodpannetjies gebruik ipv ‘n ronde koekpan.

Resep van BBC Food

Die klaar brooddeeg wat mens te koop kry is sooo veelsydig – nogal pret om daarmee te eksperimenteer.

Olie vir diepbraai

Plaak sjokolade-en heel neut

Kaneelsuiker

• Knie die deeg af
• Breek stukkies so groot soos okkerneute af
• Neem ‘n plaak sjokolade-en-heelneut en sny elke blokkie in die helfte
• Druk nou ‘n stukkie sjokolade met neut in elke bolletjie
• Knyp dit styf toe
• Laat rys vir so 30 minute
• Braai in diep olie tot goudbruin en “crispy”
• Strooi kaneelsuiker oor voor bediening
• Ook heerlik as dit koud is 

Reg om gebak te word

2 tot 3 appels, gerasper

30ml rum

125g botter

250g strooisuiker

5 ml vanielje ekstrak

2 eiers

125g meelblom

12.5ml bakpoeier

30ml kakao

5ml kaneel

65g fyngekapte neute

• Gooi die rum oor die appel en laat staan vir 5 minute
• Smeer ‘n koekpan en verhit oond tot 190°C
• Klop die botter en suiker tot romerig
• Voeg die eiers een vir een by en dan die vanielje.  Meng goed.
• Meng die droë bestanddele en die neute bietjie vir bietjie in  
• Vou versigtig die appel in die mengsel
• Gooi die mengsel in die pan en bak by 190° vir so 40 minute tot gaar
• Laat afkoek en bestuif met versiersuiker voor bediening

Resep van Allrecipes.co.uk  

3 groot eiers

180g strooisuiker

10 ml vanielje ekstrak

Groot knippie sout

200g gemaalde amandels, of amandelvlokkies fyngerol

100g fyn klapper

12.5 ml kaneel

150g botter, gesmelt

2 groot wortels, grof gerasper

100g uitgedopte pistachioneute

Versiersuiker om oor koek te sif

Paar ekstra pistachioneute vir versiering

• Voer ‘n 24cm losboompan uit met bakpapier
• Klop die eier, suiker, vanielje en sout goed saam in ‘n mengbak
• Meng die amandel, klapper en kaneel en voeg by die eiermengsel, asook die gesmelte botter
• Meng deeglik
• Voeg die wortels en pistachioneute by en meng dit goed deur
• Skep die mengsel in die koekpan
• Bak by 160°C vir 60 minute tot dit fermvoel ‘n kors bo-op gevorm het
• Laat goed afkoel
• Voor bediening, sif ‘n bietjie versiersuiker bo-oor en versier met eetbare blomme en neuter
• Bedien met rooswateroom

Rooswaterroom

250 ml room

30 ml rooswater

30 ml versiersuiker

• Klits alles saam tot dik

Kelkiewynresep

50g polenta (Italiaanse geel mieliemeel)

200g gemaalde pistachioneute

50g meelblom

1 tl bakpoeier

125 ml olyfolie

100g gesmelte botter, effens afgekoel

3 eiers

200g strooisuiker

Knippie sout

Sap en gerasperde skil van 1 suurlemoen

Sap van 1 lemoen

Versiersuiker

• Voer ‘n 23cm losboom koekpan uit met bakpapier
• Meng die polenta, pistachios, meel, sout en bakpoeier in ‘n mengbak
• Roer die olyolie by die gesmelte botter
• Klop suiker en eiers saam tot lig en donsig
• Klits die oliemengsel bietjie vir bietjie by
• Voeg nou die meelmengsel, skil en sappe by
• Meng goed
• Bak by 160°C vir so 40-50 minute tot gaar

Resep van http://www.rarebits.co.uk

Kommentaar:

O, maar hierdie koek is regtig iets besonders! 
Die olyfolie en polenta gee dit 'n ietwat ander tekstuur en dit smelt so in jou mond :0)
Bedien dit as nagereg saam met vars frambose en bessiesorbet. Ek het ook verbenablommetjies bygesit - dis eetbaar.

Hierdie is 'n heerlike veelsydige resep - bak dit met wat jy ook al in die huis het.  Vir 'n Portugese broodjie gebruik parmaham, vir 'n boerebroodjie fyngekapte biltong of doen dit Grieks en gebruik roosmaryn, fetakaas en fyngekapte olywe.

170g meelblom

7.5ml bakpoeier

2.5ml sout

3 groot eiers

45ml olyfolie

30ml melk

Vars gemaalde swartpeper

50ml fyn gekapte vars kruie soos tiemie, roketblare en pietersielie

60g sterk gegeurde kaas in klein dobbelsteentjies gesny 

50g fyn gekapte biltong

• Voer 'n klein broodpannetjie uit met bakpapier
• Klits eiers tot dik en die kleur van suurlemoene
• Roer die olie, melk en peper by
• Gebruik 'n houtlepel en roer die meel, bakpoeier, sout, kaas, biltong en kruie by
• Bak 180°C vir so 40 minute tot goubruin en gaar
• Laat afkoek en bedien saam met iets soos bokmelkkaas, biltong, maroelajellie of uieblatjang 

Resep van Kelkiewyn Kookskool

Meng:
1 1/2 k meel
1/2 t sout
1 t bakpoeier
2 t fyn gemmer
1 1/2 t kaneel
1/4 t fyn neutmuskaat

Meng saam:
1k pampoenmoes
1/2 k gesmelte botter
1/2 k donker bruin suiker
1/2 k molasse
1 eetlepel gerasperde vars gemmerwortel
2 geklitsde eiers
3 e water
1/2 k rosyne

•  Meng nat en droë mengsel.
• Sit in klein broodpan en bak teen 180° vir 50 minute.
• Laat afkoel in die pan voor jy dit uitkeer.

Kommentaar:

As jy nie van molasse hou nie, kan jy dit vervang dit met gouestroop

Kobie Coetzee 20/12/11

http://lekkerreseptevirdiejongergeslag.blogspot.com

250g broodmeel

5g droë kitssuurdeeg (nie die skuimtipe)

4 ml sout

2.5 ml strooisuiker

75 ml louwarm melk

75 ml louwarm water

Maldonsout

• Meng meel, suurdeeg, sout en suiker in 'n groot mengbak
• Voeg melk by en meeste van die water
• Maak aan tot sagte deeg - voeg res van die water by as dit te droog is
• Gooi 'n klein bietjie kookolie op jou werksvlak
• Knie deeg vir so 10 minute, tot sag en elasties
• Sit terug in bak, maak toe met 'n kombersie laat rys tot dubbel die grootte, dit neem so 1.5 tot 2 ure
• Knie af en sit deeg op 'n rolkoekpan
• Maak 'n kerf in die lengte in die middel van die broodjie
• Laat weer rys vir so 40 minute
• Bestrooi met Maldonsout as jy daarvan hou (dit is growwe sout) 
• Bak op die middelrak van die oond by 230° C vir 15 tot 20 minute.  Broodjie moet hol klink as jy daarop  klop
• Indien jy 'n knarskorsie soek, sit 4 ysblokkies op 'n ander plat pannetjie en sit dit in die oond op die laagste rak.  Die stoom wat vorm sorg vir 'n taaierige, knarskorsie. LEKKERR!

Kelkiewynresep.

Pampoen gemmerbrood. Dienbordjie R125.00. Gekoop by die Antiekemark van die Voortrekkermonument.

Het nie 'n idee wie Freda was nie, kry die resep van andersonscomp.co.za.  Het die resep effens gewysig.  Heerlik en vinnig - was alle resepte maar so maklik.

100g sagte botter

350 ml bruismeel

5ml bakpoeier

200 ml strooisuiker

2 ekstra groot eiers

90 ml melk

knippie sout

skil van een suurlemoen

Glasuursel

Sap van een suurlemoen

100 ml strooisuiker

Heel stukke kumkwat of marmelade vir garnering

Metode vir die koek

• Voorverhit oond tot 180°C
• Smeer 'n ringpan goed
• Plaas al die bestanddele in 'n bak en klits goed saam vir so 3 minute tot goed gemeng en glad
• Giet in pan en maak bo-op gelyk
• Bak 30-40 minute tot ferm en gaar
• Klits intussen die suurlemoensap en suiker saam vir die glasuursel en giet oor die koek wanneer dit uit die oond kom
• Laat afkoel en versier met heel stukke kumkwat/marmelade en suurlemoenskil

Klein broodjie, genoeg vir twee mense vir een ete.

wit van 2 groot eiers

knippie sout

240g stroosuiker

2.5 ml mielieblom

100 g geroosterde pistachio- of haselneute, grof gekap

25g donker sjokoladesplinters

20 ml kakaopoeier, gesif

• Voer 'n bakplaat met bakpapier uit
• Klop eierwitte tot stywepunt stadium
• Voeg sout by en hou aan klop tot dit stywepuntjies vorm
• Voeg 1 el suiker op 'n slag by en klop deeglik tot al die suiker deurgemeng is (donserige meringue)
• Vou die mielieblom, neute, en sjokoladesplinters by en roer laastens die kakaopoeier liggies deur die mengsel
• gebruik 'n staalepel en vorm meringues
• bak vir so 1 uur lank by 110° C tot meringues hard is buite en maklik van die bakpapier af oplig

Resep van Sarah Dall

Amandelstukkies

100 g amandelvlokkies (bak dit eers effens in die oond tot ligbruin)

60 ml suiker

1 el melk

Meng die bestanddele en kook oor stadige hitte tot suiker gesmelt het

Skep klein hopies in 'n bak en sodra dit efens kouer is, smeer dit gelyk

Verkoel oornag

Vulsel vir rolkoek

500 ml volroommelk

2 eiergele

60g suiker

45 ml mielieblom

3 velletjies gelatien (jy kry dit by Woolies)

Gerasperde skil van ‘n halwe lemoen

 tl vanieljegeursel

30g botter

Meng mielieblom, suiker, geel van eier, lemoenskil en vanieljegeursel en klop tot dit lig en romerig is

Verhit melk net tot dit begin prut (lank voor dit kook)

Gooi bietjie vir bietjie melk by die eiermengsel en klop goed met ‘n draadklitser

Terug stoof toe in kastrol

Voeg gelatien by, en verhit tot die mengel dik word terwyl jy dit aanmekaar klits met die draadklitser

Roer die botter by en verwyder van die stoof  VOORDAT MENGSEL BEGIN KOOK

Laat afkoel en plaas oornag in die yskas om te stol

Rolkoek

4 eiers

1k suiker

1 k koekmeel

1 tl bakpoeier

knippie sout

• Voer 'n rolkoekpan uit met bakpapier
• Verhit oond tot 200° C, en plaas oondrak op die eerste gleuf bo die middel van die oond
• Klop eiers en suiker tot lig en romerig
• Sif droë bestanddele en vou in eiermengsel in
• Gooi beslag in die rolkoekpan en bak vir so 12 minute
• Keer die koek uit op 'n klammerige vadoek en rol (saam met vadoek), styf op in die dwarste
• Laat koud word
• Wanneer koud, rol versigtig af, smeer vulsel op, en strooi gebreekte amandelstukkies oor
• Versier met stukkies amandel en lemoenskil

Hierdie sjokoladekoek van Jill Orton van La Lucia in KwaZulu-Natal het in 2010 in "Huisgenoot" verskyn.  Dit is maklik om te maak, flatervry en die stroop maak dit heerlik en klam.

Bereiding: sowat 20 minute
Baktyd: 40-45 minute

STROOP
265 ml suiker
275 ml water

KOEKBESLAG
250 ml (1 k) koekmeel
30 ml (2 e) bakpoeier
’n knippie sout
250 g (1 k) botter
125 ml (½ k) strooisuiker
200 g donkersjokolade soos Albany (100g = 1 plaak)
5 ekstra groot eiers
30 ml (2 e) brandewyn of Frangelicalikeur

VERSIERSEL
200 g sjokolade met haselneute
30 ml (2 e) melk

Voorverhit die oond tot 180 °C.
Smeer en voer ’n diep koekpan
(24 cm in deursnee) uit met bakpapier.

STROOP
Verhit die suiker en water in ’n kastrol, bring tot kookpunt en laat prut sowat 10 minute.

BESLAG
Sif die meel, bakpoeier en sout saam in ’n groot mengbak.

• Smelt die botter, suiker en donkersjokolade in ’n dubbelkoker of in ’n glasbak oor kookwater of in die mikrogolfoond.
• Verwyder van die hitte en klits een eier op ’n slag by. Klits goed ná elke byvoeging.
• Giet die brandewyn of likeur by en roer tot gemeng.
• Vou die gesifte meelmengsel by die eiermengsel in en meng alles goed.
• Giet die beslag in die voorbereide pan en bak 40-45 minute of tot gaar.
• Verwyder die koek uit die oond, prik dit ’n paar keer met ’n toetspen en giet die stroop oor.
• Maak die kante los sodra die koek afgekoel is en keer dit op ’n koekbord uit.

VERSIERSEL

•  Smelt die sjokolade oor ’n lae hitte of gebruik ’n dubbelkoker. Roer die melk by en roer tot ’n gladde sous vorm.
• Giet die sjokoladesous bo-oor die koek en versier met gekleurde eetbare koekversiersels.

Kommentaar:

• Gebruik frangelico, maar verdubbel tot 4 el.  Gooi drie by die stroop en drink die ander een vir jou moeite.  Die smaak verdwyn in die koek, mens behoort dit meer te proe in die stroop.  Laat stroop koud word en voeg frangelico dan by.
• EK het net 100g donkersjokolade gebruik en toe 20g kakao bygevoeg - werk net so goed soos 200g sjokolade. 

Bak in twee broodpannetjies

 500-625 ml (2-2½ k) witsuiker

 250 ml (1 k) olie

 4 jumbo-eiers

 500 g koekmeel

 10 ml (2 t) koeksoda

 10 ml (2 t) fyn kaneel

 2 ml (½ t) sout

 500 g wortels, grof gerasper

1 blik fyn pynappel (432g, en inhoud 281g)

 250 g okkerneute of pekanneute, grof gekap (hou 50 g eenkant)

 125 g (1½ k) klapper

2 groot lemoene met 10 ml (2 t) lemoenskil, fyn gerasper

 5 ml (1 t) vanieljegeursel

VERSIERSEL

 1 ½  e suurlemoensap

 50 g versiersuiker

1 houer (250 g elk) roomkaas

 25 g botter, gesmelt

(Net die een broodjie word versier )

Voorverhit die oond tot 180 °C. Smeer twee broodpannetjies goed met margarien of spuit met kossproei. Bestuif met koekmeel.

1.KOEK Verroom die suiker en olie. Voeg die eiers by en klits tot romerig. Sif die droë bestanddele saam en vou in by die suikermengsel. Voeg die res van die bestanddele by en meng goed met ’n houtlepel.

2.Giet in die voorbereide panne en bak 1-1½ uur of tot ’n toetspen skoon uit die middel van die koek kom. Laat effens afkoel in die pan en keer dan uit op ’n draadrak om heeltemal af te koel.

3.VERSIERSEL Meng die sap en versiersuiker by die roomkaas in tot glad. Smelt die botter en meng warm by. Smeer dik oor die koek en besprinkel met die orige neute.

4. Versier een ven die broodjies en behou die ander as ‘n broodjie sodat snytjies met botter bedien kan word

Huisgenootresep, effens gewysig.

Bestanddele vir die koek

250g botter

225g sagte, bruinsuiker

125g gekapte okkerneute, effens gerooster in die oond

175g meelblom

3.5 tl bakpoeier

1/4 tl sout

5 eiers

1 tl vanielje ekstrak

Bestanddele vir die versiering

250g versiersuiker

2-3 el Frangelico (opsioneel), of water

25g botter

Paar heel okkerneute vir garnering

• Voorverhit die oond tot 170°C
• Smeer 'n tuitpan
• Smelt die botter oor medium hitte tot dit 'n goudbruin kleur kry
• Roer die suiker by en laat afkoel
• Sif die meelblom, bakpoeier en sout saam
• Voeg die eiers en vanielje ekstrak by en meng deeglik
• Voeg die bottermengsel stadig by tot net goed deurgemeng
• Vou in die gekapte okkerneute
• Gooi die mengsel in die koekpan en bak vir so 35-40 minute tot gaar
• Laat koek vir 10 minute in die pan afkoel en gooi dit dan uit op 'n rooster
• Laat die heeltemal afkoel voor die versier word

Versiersel

Klop al die bestanddele saam en voeg 'n el of twee water by indien te droog

Smeer oor die koek en garneer met die heel okkerneute 

Wortelkoek/broodjie

Bestanddele vir die koek

250g botter

225g sagte, bruinsuiker

125g gekapte okkerneute, effens gerooster in die oond

175g meelblom

3.5 tl bakpoeier

1/4 tl sout

5 eiers

1 tl vanielje ekstrak

Bestanddele vir die versiering

250g versiersuiker

2-3 el Frangelico (opsioneel), of water

25g botter

Paar heel okkerneute vir garnering

• Voorverhit die oond tot 170°C
• Smeer 'n tuitpan
• Smelt die botter oor medium hitte tot dit 'n goudbruin kleur kry
• Roer die suiker by en laat afkoel
• Sif die meelblom, bakpoeier en sout saam
• Voeg die eiers en vanielje ekstrak by en meng deeglik
• Voeg die bottermengsel stadig by tot net goed deurgemeng
• Vou in die gekapte okkerneute
• Gooi die mengsel in die koekpan en bak vir so 35-40 minute tot gaar
• Laat koek vir 10 minute in die pan afkoel en gooi dit dan uit op 'n rooster
• Laat die heeltemal afkoel voor die versier word

Versiersel

Klop al die bestanddele saam en voeg 'n el of twee water by indien te droog

Smeer oor die koek en garneer met die heel okkerneute 

Bestanddele vir die koek

250g botter

225g sagte, bruinsuiker

125g gekapte okkerneute, effens gerooster in die oond

175g meelblom

3.5 tl bakpoeier

1/4 tl sout

5 eiers

1 tl vanielje ekstrak

Bestanddele vir die versiering

250g versiersuiker

2-3 el Frangelico (opsioneel), of water

25g botter

Paar heel okkerneute vir garnering

• Voorverhit die oond tot 170°C
• Smeer 'n tuitpan
• Smelt die botter oor medium hitte tot dit 'n goudbruin kleur kry
• Roer die suiker by en laat afkoel
• Sif die meelblom, bakpoeier en sout saam
• Voeg die eiers en vanielje ekstrak by en meng deeglik
• Voeg die bottermengsel stadig by tot net goed deurgemeng
• Vou in die gekapte okkerneute
• Gooi die mengsel in die koekpan en bak vir so 35-40 minute tot gaar
• Laat koek vir 10 minute in die pan afkoel en gooi dit dan uit op 'n rooster
• Laat die heeltemal afkoel voor die versier word

Versiersel

Klop al die bestanddele saam en voeg 'n el of twee water by indien te droog

Smeer oor die koek en garneer met die heel okkerneute