Chopin - koning van die klavier

Chopin - nogal 'n 'dish' gewees op sy dag. Dis nou as jy van die asketiese tipe gesig hou.

Pere Lachaise

'n Ietwat motgevrete Madelie by Chopin se graf. Hy is in 1849 oorlede.

Gelëe teen 'n baie styl heuwel in Parys, is daar die eeue oue begraafplaas, die Pere Lachaise.  Toe Renée en ek hoor Chopin, Rossini, Edith Piaf, Oscar Wilde, Callas en so aan is daar begrawe, moes ons opsluit soontoe.

Op 'n yskoue, winderige en rëenerige dag durf ons toe die Metro (moltrein) aan om ons na Pere Lachaise toe te neem.  

Rye en rye stokoue grafkelders waarin familielede tot vandag toe nog begrawe word.  Een stel trap na die ander die hoogtes in.  Tipies Frans heers daar by die indeling van die grafte in "divisions", die gewone wanorde.   "Division" vyf is reg langs 31 en vier kan dan weer so 'n paar 100 meter verder met die bult op wees.

Maar niks hiervan het ons gepla nie, ons was gedetermineerd om Chopin se graf te kry en na 'n ure lange soektog in die wanorde, uiteindelik sukses!   

In Pere Lachaise is dit die gewoonte om in plaas van blomme, 'n potplant soos 'n aster te koop om langs die graf te sit.  Omdat mens darem vir Chopin net die beste moet gee, koop ek toe een in 'n terra cotta houer en moes maar swaar dra al aan die een kant tot ons by die graf uitgekom het.  Dit het naderhand gevoel of ek langer na sy graf gesoek het as wat ek ooit aan een van sy werke geoefen het! 

Maar, al die gespartel in die koue weer was die moeite werd.

Frédéric Chopin se "Rëendruppel" Prelude, Op 28, No. 15
Vir my persoonlik die allermooiste.

Hotel Chopin

Hotel Chopin, net om die draai van ons eie hotel. 'n Paar kunsstudente is besig om die skilderagtige plek te skets.

Ons het in die ongelooflikste mooi hotel, die Ronceray, gelëe in 'n deurloop onder glas wat al in 1846 gebou is, tuisgegaan.  Dit was op sy dag blykbaar die uithangplek van die komponis Rossini.

Net om die draai is daar ook die Hotel Chopin, gewy aan die komponis met mooi sketse van hom en 'n klavier uit daardie tyd.

Daar is 'n paar deurlope soos hierdie naby mekaar.  Dit word genoem "Parys onder glas" en was skynbaar 'n groot nuutjie toe dit gebou is, omdat dit beskerming bied teen rëen, wind en sneeu.

Alles natuurlik ook historiese monumente.   

Muurskildery in die Ronceray Hotel
Muurskildery van Rossini.

Klaviermusiek op sy beste

Chopin: "Fantasie Impromptu", Opus 66 in C# mineur, gespeel deur Tzvi Erez
Chopin: "Nocturne in E mol majeur, Opus 9 No. 2, gespeel deur Tzvi Erez
Watter pragtige hande het die man tog nie!
Chopin: "Grande valse brillante", Op. 18 In E-mol
Chopin: "Étude" vir klavier No. 13, Op. 25 No. 1 in A mol majeur
Chopin: "Waltz" Op.69 No.2 (Ashkenazy)
Chopin is ongelooflik moeilik om te speel. Kon darem self hierdie een onder knie kry.
Chopin: "Minuut Wals", Op. 64: No. 1, D mol majeur, gespeel deur Martijn Van Den Hoek
Chopin: Sonata vir tjello in G mineur, Op 65 No 3 Largo
Lieflik.
Chopin: Klavierkonsert No.1 in E mineur, Op.11 Larghetto

Write a new comment: (Click here)

SimpleSite.com
Characters left: 160
DONE Sending...
See all comments

| Reply

Latest comments

30.08 | 12:44

It seems really a nice sharing due to its informative stuff which I will share with my dad after my https://www.goldenbustours.com/seattle-tour-packages/

...
06.05 | 19:10

...
05.05 | 20:47

Het baie geniet. Dankie.Tuinmaak my passie. Meestal onbekende musiek vir my, maar pragtig.

...
07.04 | 20:46

Hi Nalene, watter datums het jy 'n probleem mee. Dié van Dr Nel van Heerden? Madelie

...
You liked this page