Doen dit buite...

Blue Crane Restaurant by die Austin Roberts Voëlpark

Die Blue Crane is letterlik in die hartjie van Pretoria gelëe langs die Austin Roberts Voëlpark.  As mens vroeg in die oggend verby die park ry, staan daar dikwels bokkies en wei en dit doen mens se siel goed om so iets te beleef voor die gesleur van die elke dagse bestaan begin!

Die restaurant is onlangs opgeknap.  Die stoep is toegebou, maar met groot oopskuif vensters kan die water en watervoëls dus deesdae self op die koudste en warmste dae geniet word.  Daar is ook ‘n skuiling gebou vanwaar die watervoëls dopgehou kan word.  Dis natuurlik baie gewild by fotograwe.

Die Crane bied Sondae ‘n buffetete aan.  Goeie waarde vir geld, maar bespreek vroeg, veral as jy ‘n venstertafel met ‘n mooi uitsig soek.  Vrydagmiddagete is veral gewild, wanneer baie besigheidsmense daar eet (terwyl die arme staatsamptenare moet werk, sug).

Die restaurant self is groot en kan heelwat gaste huisves.  Omdat dit aan die agterkant langs die trimpark gelëe is, is daar ook baie veilige parkering – dis regtig ver van ‘n lawaai en mens kan nie glo dis binne vyf minute se ry van die malspul van Sunnyside af nie.

As jy lief is vir mengeldrankies (cocktails), gaan jy ver soek na ‘n mooier plek om die sonsondergang te aanskou terwyl jy aan jou pina colada teug.

Die kos self is heerlik.  Toe ons verlede week daar was, het Pieter ‘n goed gaar hamburger bestel.  Die vleisie wat toe vir hom opgedis is het meer na ‘n bief tartare getrek, maar hy het dit nogtans met smaak verorber – groot kompliment vir die chef!  Die burger is op ‘n paninibroodjie met gekaramelliseerde uie, klein tamatietjies en ‘n sny Camembert bedien.  Tuisgesnyde, krakerige aartappelskyfies het die gereg afgerond.

Die kelners is vriendelik en goed opgelei en die bediening flink.

Kliek op die skakel om die Crane se webwerf self te besoek, hulle gee selfs die spyskaarte met die pryse aan.  Puik plek! 

Gelukkige mense, ons Pretorianers.

http://www.bluecranerestaurant.co.za/

 

 

 

 

"Ouma Isie se Teetuin" by Smutshuis in Irene

As jy nog nie daar was nie, is dit nou die tyd om te gaan, al is dit net om jou oopmond te verwonder aan hoe eenvoudig die Smutse geleef het in vergelyking met die hedendaagsae politici!  En hulle het sowaar die Britse Koningsgesin ook daar ontvang, so sonder enige nonsens.

Die Restaurant het buite 'n hele klompie houttafels in die pragtige tuin.  En wat meer is, daar is die lieflikste katte wat daar rondloop en nie menssku is nie!

Die spyskaart vir ontbyt is onder die foto's, maar jy kan ook 'n ligte middagete geniet.  Ongelukkig is die plek Maandae toe, maar die res van die week oop vanaf 09:00 tot 16:00.

Daar word soms lesings aangebied in die aand asook voëlkykuitstappies Saterdae. 

As jy nie van skares mense hou nie, bly weg wanneer die vlooimark op sommige Saterdae daar aangebied word!   

Ouma Isie se ontbytspyskaart

Includes a coffee or tea

Served until 12h00

Country Classic

R50.00

Homemade fruit compote layered with natural yoghurt, granola and lavender/farm honey

French Toast

R50.00

Topped with a drunken berry fruit coulis with vanilla mascarpone

Breakfast Bruncher

R46.00

Whole wheat toast topped with mushrooms, tomato, oregano and grilled mozzarella cheese served with crisp herb salad

City Breakfast

R56.00

Two fried eggs, frankfurter, tomato, bacon and toast

Oubaas Breakfast

R67.00

Fried eggs, mushrooms, tomato, bacon, boerewors and toast

English Breakfast

R67.00

Scrambled eggs, bacon, pork sausage, mushrooms, tomato and crumpets

Ouma's Choice

R65.00

Poached eggs in a curried vegetable and lentil ragout served with fried potato wedges and freshly baked ciabatta

House Omelette

Three-egg omelette served with toast

Cheese

R45.00

Fresh Garden Herbs

R35.00

Spinach and Feta

R52.00

Mushroom and Goat's Cheese

R58.00

Ham and Cheese

R54.00

Spicy Chicken Livers

R56.00

Kliek op die skakel om na Smutshuis se webwerf oop te maak.

http://www.smutshouse.co.za/

 

 

 

Ĺėpis Doré

Die Franse plek

Wat 'n skandaal!  Wil iets skryf oor my gunsteling eetplek en daar kan ek glad nie die naam onthou nie. 

Toe maar, dis nie alzheimers wat begin inskop nie, almal noem die plek sommer kortweg die "Franse plek".  "Kry mekaar by die Franse plek" - en al jou vriendinne weet wat jy bedoel.  Ek moes letterlik 'n kaartjie van die plek gaan vra om die werklike naam te sien: "Ĺėpis Doré"  Sien jy wat ek bedoel?  Watter normale Pretorianer gaan dit tog nou onthou?

In elk geval, hierdie gastronomiese klein wonderwerk kruip letterlik weg in die sentrum in 13e straat, Menlopark.  Heel regs op die hoek, langs die kwekery en moet nie dat die naam jou afsit nie, dis nie 'n pinkieligplek nie.  Jy sit heerlik buite tussen die laventel en ander lenteblomme en almal wat gaan stap bring hulle honde saam - daars water vir hulle.

Die spyskaart is in Frans met Engelse vertaling.  Tipiese Franse geregte vir ontbyt soos Croque Monsieur en Croque Madame kry jy hier.  My gunsteling is "Egg Corsica", dis nou glo 'n eiergereg uit Corsica en was skynbaar Napoleon se gunsteling ontbyt.  Eier met fyn gerookte spek, drie soorte peper en 'n sousie.  Hmmmm!

Kliek op die skakel hier onder om die plek se spyskaart te sien.

Lekker eet!

http://www.lepisdore.co.za/

Die plek verkoop ook al hulle heerlike Franse gebak soos croissants.

Write a new comment: (Click here)

SimpleSite.com
Characters left: 160
DONE Sending...
See all comments

| Reply

Latest comments

30.08 | 12:44

It seems really a nice sharing due to its informative stuff which I will share with my dad after my https://www.goldenbustours.com/seattle-tour-packages/

...
06.05 | 19:10

...
05.05 | 20:47

Het baie geniet. Dankie.Tuinmaak my passie. Meestal onbekende musiek vir my, maar pragtig.

...
07.04 | 20:46

Hi Nalene, watter datums het jy 'n probleem mee. Dié van Dr Nel van Heerden? Madelie

...
You liked this page