Voorgeregte

200g sagte botter

100g strooisuiker

1 eier

300g koekmeelblom

5 ml bakpoeier

Knippie sout

50g swart olywe, pitte verwyder en fyngekap (sonder enige vloeistof)

80g wit sjokolade, fyngekap

• Voorverhit die oond tot 200 °C
• Voer ‘n bakplaat uit met gesmeerde bakpapier
• Room botter en suiker tot lig en donsig
• Klop die eier by
• Sif meel, bakpoeier en sout bietjie vir bietjie by
• Klop goed tot ‘n stywe deeg gevorm word
• Voeg olywe en sjokolade by
• Breek stukkies deeg af en druk plat (dun), op die bakplaat
• Bak 10 tot 15 minute tot goudbruin
• Bedien saam met sjerrie vir voorgereg of as 'n nagereg met vanieljeroomys en kersiecoulis (stroop)

Basiese resep uit "Two", van Seline en Leandri van SA Masterchef faam

600g nectarine perskes (ongeskil), vars of bevrore

600 ml perskesap

600 ml appelsap

Suurlemoensap na smaak

180 ml vodka

60 ml grenadinestroop (by drankwinkels beskikbaar)

vars kruisementblare

• Verpulp perskes, sap en vodka tot glad
• Skink in glasies en voeg so 10 ml grenadine by elkeen, maar moet dit nie in meng nie.  Dit sak af om ‘n pragtige rooi lagie te vorm
• Voeg sout en peper en suurlemoensap by na smaak
• Bedien met vars kruisement

Basiese resep uit "Two", van Seline en Leandri van SA Masterchef faam

400 ml room

250g bevrore ertjies

15 ml sterk Engelse mosterd

15 ml strooisuiker

5 eiergele

Sout en peper na smaak

• Voorverhit oond tot 125 °C
• Smeer vier groeterige ramekinbakkies of 10 kleintjies
• Verhit die room tot warm, maar moet nie laat kook
• Verpulp die ertjies, mosterd en room in ‘n voedselverwerker
• Voeg room by en meng deeglik tot glad
• Voeg eiergele by en meng deur
• Voeg sout en peper by na smaak
• Gooi mengsel in ramekins
• Bak in ‘n roosterpan met water (bain marie) tot net gestol – so 30 minute
• Bedien met brosgebraaide spek

Basiese resep uit "Two", van Seline en Leandri van SA Masterchef faam

Bak dit in klein, individuele bakkies

100 g bros gebraaide spek, fyn gekap

Olyfolie

100 g fyn gerasperde cheddarkaas

60 g songedroogde tamaties (in olie)

50 ml vars gekapte kruie, bv tiemie, oreganum, basilliekruid of pietersielie

3 groot eiers

75 g bruismeel

2.5 ml mosterdpoeier

2.5 ml sout

Vars peper

375 ml melk

• Voer ‘n bakpannetjie uit met foelie
• Versprei spek, kaas, tamatie, en kruie eweredig oor die pannetjie
• Klop eier, meel, mosterd, sout en peper tot glad
• Voeg melk geleidelik by en meng goed
• Gooi oor die spekmengsel
• Bedek liggies met foelie
• Bak vir 15 minute by 200 °C (bak langer as jy een groot tert maak)
• Verwyder foelie en bak verder vir so 5 minute tot goudbruin en gaar

Kelkiewynresep

30 ml olyfolie

60 g botter

4 groot bruin sampioene

Sout en peper

Paar takkies tiemie

4x beesfilet medaljons

Basilie of tamatiepesto vir bediening

• Verhit die helfte van die olie en botter oor medium hitte
• Braai die sampioene onderstebo vir 2 minute
• Draai om, sout en peper, voeg tiemietakkies by en braai tot sag
• Verwyder sampioene versigtig en hou warm, maar behou oliemengsel
• Strooi sout en peper oor die vleis
• Voeg res van die olie en botter by
• Bak vleis by medium hitte vir so 2 tot 3 minute weerskante – gooi gereeld van die olie oor
• Pak vleis op dienbord met sampioen op elke stukke
• Skep ‘n teelepel pesto op elke sampioen en bedien dadelik

Kelkiewynresep

Bedien dit in ouma se espressokoppietjies. Die antieke sjerrieglasie het ek by Melrosehuis se mark gekoop - drie vir R10.00.

500g hoenderlewers

1 medium ui (fyngekap)

½ tl gekapte knoffel

30 ml brandewyn

Fyn naeltjies

Gedroogde bosbessies (cranberries), okkerneute en fyn blaartjies vir garnering

Knippie sout en peper

Vars gerasperde neutmuskaat

1                 Braai ui tot deurskynend en voeg dan lewertjies by.  Braai tot gaar maar nog    

                   effens pienk.

2                 Voeg brandewyn by en verwyder van die stoofplaat.

3                 Maak lewertjies fyn en geur met sout, naeltjies en rasper dan neutmuskaat oor.

                   As die patee vir jou te vaal lyk, voeg 'n lepeltjie rooiwyn by.  Mmm. 

4                 Skep in klein bakkies, of espresso koppietjies.

5                 Smelt ‘n paar eetlepels botter en gooi ‘n dun lagie oor patee (as jy wil).

6                 Bedien op fyn snytjies geroosterde soetsuurdeegbrood (bruschettas).

Die Royal Worcester soufflébakkie. Sien op internet verkoop dit vir so 18 na 20 pond - so amper R400.00.

Kommentaar:

1             Sommige mense voeg ook room by, maar dis regtig nie nodig nie.

2             Die brodeplek in Brooklyn Mall bedien dit ook met fyn gesnyde, ingemaakte stukkies

               vy - heerlik.

3             Toe ons klein was, het my ma altyd vir gaste na ete, swart koffiesakkoffie in klein

               koppietjies bedien.  Weet nie of dit net ‘n modegier was nie, want later van tyd is

               die koffie in gewone grootte koppies bedien.  Het van my skoonma ‘n pragtige

               antieke stelletjie hiervan gekry - sien foto.               

4             Mens kan dus vir elke gas sy eie bordjie pak met patee, bruschettas en glasie sjerrie.

5             Kyk by plekke soos Melrose huis se Antiekemark vir mooi bakkies, glasies en so aan.  Kry baie keer winskopies as jy jou oë oophou.  Hierdie soufflébakkie is van Royal Worcester.  Dis glad nie antiek nie, dink so sestigerjare miskien, maar het dit gekry vir R25.00.  Glo my, ek het verlede jaar die Royal Worcester se fabriekwinkel in die stad Worcester besoek – die goed is duuuur daar, want baie van dit word met die hand geverf. 

Geniet

Madelie

Die resep is vir een bakkie per persoon.  Vermeerder soos benodig.

1 eier – breek vars eier in bakkie

1 el room

2 opgekapte olywe

Sout en peper na smaak

1 el gekrummelde feta

1 tl fyngekapte lowwe van sprietuie – strooi oor eier

Fyn biltong

1 sny roosterbrood in die lengte gesny in drie dele per person (die Engelse noem dit broodsoldaatjies)

1                     Breek eier in bakkie

2                     Sout en peper na smaak

3                     Voeg res van bestanddele by

4                     Bak vir so 6 minute by 200°C tot die wit van die eier gestol het

5                     Strooi ‘n klein bietjie fyn biltong oor voor bediening

6                     Bedien onmiddellik met brood soldaatjies op ‘n groot bord, met teelepel om  

                      mee te eet.