Richard III

Die soektog na 'n koning...

Skildery van Richard III

Koning Richard III was deel van ons kinderjare, al  is hy al in 1452 gebore.  Jip,  was nog sommer klein toe ons hom leer ken het.     Ons ma het Shakespeare se Richard III as voorgeskrewe werk in matriek gehad en het ons kinders en ons pa altyd vroeg Sondagoggende as ons by hulle in die bed geklim het, vermaak deur ellelange stukke daaruit  in haar pragtige Engels aan te haal:

“Now is the winter of our discontent
Made glorious summer by this sun of York;
And all the clouds that lour'd upon our house
In the deep bosom of the ocean buried”
en so aan…  Nie dat ons ‘n enkele word daarvan verstaan het nie, hoor!

Shakespeare het Richard III, die laaaste van die Plantaganetdinastie van konings, uitgebeeld as ‘n fyngeboude boggelrug met ‘n verskrompelde armpie, en ‘n regte monster wat sy eie twee nefies laat vermoor het om koning te kon word.  Richard is in 1485 in die Slag van Bosworth gedood toe Henry VII se ondersteuners hom aangeval het om die kroon vir Henry te probeer verower. 

Richard was die laaste Britse koning wat op die slagveld gesterf het, en volgens oorlewering het hy met sy kroon op die kop homself probeer verdedig.  Sy perd is eerste doodgesteek, vandaar Shakespeare se bekende aanhaling as sou Richard glo uitgeroep het:  ”A horse, a horse, my kingdom for a horse!”.  Hy is inderhaas in die Grey Friars Church begrawe, wat iewers in die huidige stad Leicester gelëe was, maar gedurende Henry VIII se hervormings vernietig is.    

Soos die eeue aangestap het, en daar meer navorsing oor hom gedoen is, het dit egter duidelik geword dat Shakespeare Richard dalk as so ‘n skirminkel uitgebeeld het ten einde in die goeie boekies van die Tudor konings wat hom opgevolg het, te kom.  Die Tudors, was natuurlik die Henrys en dan ook Elizabeth I, die sogenaamde “virgin queen”.   

Die Richard III Society

Gedurende die 20e eeu is daar in Brittanje ‘n vereniging gestig, die Richard III Society, wat hulle daarvoor beywer het om sy naam in ere te herstel.  Hierdie vereniging, en die argeoloë van die Universiteit van Leicester, het toe gedurende 2012 daarin geslaag om die ligging van die ou Grey Friars Church vas te stel, en onmiddellik begin geld insamel om opgrawings te kon begin doen.  Grey Friars se bouvalle was skynbaar onder ‘n oop parkeerterrein en sou dus redelik toeganklik wees.

Opgrawings

In September 2012 is daar toe met opgrawings begin, en letterlik ‘n dag of twee later is daar op ‘n geraamte afgekom, een met ‘n gekromde ruggraat as gevolg van skoliose.  Daar is onmiddellik vermoed dat dit dalk Richard kon wees, aangesien die beserings aan die geraamte baie duidelik op 'n slagveld opgedoen kon wees, en die liggaam baie haastig begrawe is.

Gelukkig was die skedel  goed bewaar en kon ‘n DNA monster uit ‘n kiestand onttrek word.  Intussen is ‘n geskikte afstammeling van Richard se suster opgespoor aangesien hy self nie ‘n nageslag nagelaat het nie.  Die DNA sou dus vergelyk kon word met ‘n familielid s’n.  Die skedel is ook na ‘n forensiese kunstenaar geneem wat gesigte vir die polisie rekonstrueer.

En was dit toe Richard se geraamte?  Kyk maar self.

Kliek op die skakel hier onder vir die finale forensiese toetse se uitslae.

http://www.dailymail.co.uk/sciencetech/article-2758642/Forensics-suggest-Richard-III-killed-two-blows-bare-head.html

 

 

Collage deur die "Daily Mail"
Perskonferensie oor bevindings
Rekonstruksie van die gesig vanaf die skedel

Her-begrafnis 27 Maart 2015

Richard is toe vandag, 26 Maart 2015, herbegrawe in 'n seremonie in die Leicester Katedraal.

Die seremonie is waargeneem deur die Aartsbiskop van Kantelberg (Canterbury), en die Rooms Katolieke Aartsbidkjop in Brittanje.

Waardige seremonie wat reg laat geskied aan 'n koning.

Write a new comment: (Click here)

SimpleSite.com
Characters left: 160
DONE Sending...
See all comments

| Reply

Latest comments

06.05 | 19:10

...
05.05 | 20:47

Het baie geniet. Dankie.Tuinmaak my passie. Meestal onbekende musiek vir my, maar pragtig.

...
07.04 | 20:46

Hi Nalene, watter datums het jy 'n probleem mee. Dié van Dr Nel van Heerden? Madelie

...
07.04 | 09:09

Kan iemand dalk sê die datums klop nie... Die datums wat op foto's is en die ouderdom wat sy behoort te wees, werk nie lekker saam nie. Kan iemand dalk help?

...
You liked this page