Moedersdag by Reubens

Reubens

Gelëe in die hoofstraat van Franschhoek, is die restaurant, anders as wat mens sou verwag, nie ‘n pinkie-lig plek nie.  Baie informeel met ‘n warm atmosfeer.  Daar is ook buite sitplek en die restaurant is dus ook geskik om met kinders te besoek.  Dit was die dag toe ons daar was koelerig met so ‘n regte Kaapse sissie rëentjie, en Reubens het ons  verwelkom met ‘n fris kaggelvuur.

Reuben Riffel
Buite Reubens
Die gesellige binnekant van die restaurant
Voorbeeld van Reubens se disse

Mmm

In die Britse tradisie, is die spyskaart beskikbaar op die restaurant se webwerf, maar dit word gereeld bygewerk volgens watter vars produkte beskikbaar is op ‘n betrokke dag. 

Susan was lus vir “beef tartare” as voorgereg en myne was iets soos ‘n sirloin carpaccio – vleis in baie dun skyfies gesny, met bitterballen en ‘n truffelsousie.  Die tartare was onberispelik gegeur – heerlik, maar so ook myne.  Dit was die eerste keer dat ek bitterballen geëet het en het dit toe gaan navors op die internet – plaas later ‘n resep daarvoor wat op die TV-program “Pasella” gemaak is.  Dit lyk heel doenbaar vir ‘n vrotterige kok soos die uwe – gaan dit defnitief probeer maak want dit is iets besonders.

As hoofgereg het Susan kwartel bestel en ek beesvleis op verskillende maniere gaar gemaak – stukkie steak en beesstert kroket, een van die lekkerste en sappigste goetertjies denkbaar. Dit word blykbaar net soos die bitterballen gemaak, eers gerol in meel, dan in eier en heel laaste in baie fyn broodkrummels.  Dis skynbaar belangrik om dit te laat rus in die yskas vir so 30 minute voordat dit gebraai word. 

Die steak was vir my lekkerder as die kobe bief wat ek en Renée ‘n tyd gelede geëet het.  Kobe kom van Japannese beeste wat glo onder andere bier gevoer word, met ryswyn gemasseer word en vir wie daar klassieke musiek gespeel word (huh?).  

Vir nagereg, ‘n kaasbord met tuisgemaakte melba broodjies, gorgonzola en ander plaaslike kase.  Mmmm!

Wat ‘n wonderlike moedersdag was dit nou nie?  Skoonseun het na die baba gekyk en ons twee “moeders” kon rustig sit en eet. 

 

BAIE DANKIE AAN DIE WESSELSE!

Bitterballen

Hollandse krokette

Hierdie traditioneel Hollandse happies het Carol Weideman gemaak vir die program "Pasella" op die SABC.  

Bestandele:

100ml witsous (béchamel)

70ml gremolata*

80g gerookte vis (makriel of skelvis, gevlok)

1 k koekmeelblom

1-2 eiers, geklits

1 k broodkrummels

Metode:

Meng die witsous en gremolata. Geur met sout en pepper. Voeg die gerookte vis by en meng goed. Vorm netjiese balletjies (so 30g elk) en plaas in die yskas vir ongeveer 10 – 20 minute om ferm te word.

Rol die balletjies een vir een, eers in die meel, dan eier en dan die broodkrummels. Braai tot goudbruin in warm olie (180°C). Bedien warm met aioli. 

*Gremolata: Meng 1t gekapte knoffel, 4 e gekapte pietersielie en 2 t gerasperde suurlemoenskil

Resep van SABC: Pasella



Write a new comment: (Click here)

SimpleSite.com
Characters left: 160
DONE Sending...
See all comments

| Reply

Latest comments

30.08 | 12:44

It seems really a nice sharing due to its informative stuff which I will share with my dad after my https://www.goldenbustours.com/seattle-tour-packages/

...
06.05 | 19:10

...
05.05 | 20:47

Het baie geniet. Dankie.Tuinmaak my passie. Meestal onbekende musiek vir my, maar pragtig.

...
07.04 | 20:46

Hi Nalene, watter datums het jy 'n probleem mee. Dié van Dr Nel van Heerden? Madelie

...
You liked this page