Die loutering van Johanna

Oupa se eerste vrou - Johanna Frederika Dednam

Toe jy huis en haard moes agterlaat,

Vegkop se plaas te voet verlaat,

hoogswanger,  met vyf klein kinders;

toe jy deur gevoellose Engelse soldate

na Heilbron aangejaag is,

het jy besef dat dit die einde was;

dat jy jou tuiste en jou familie

nooit weer sou sien nie?

 

Toe die klik-klak op die spore uiteindelik ophou,

die beestrok se deur oopgaan

 en julle bedremmeld uitstrompel,

vrouens, kinders en grysaards,

was die daelange bespotting, inkerkering sonder geriewe

ingekerf op julle gesigte,

met ‘n rasende dors

na dae se vergeefse gebedel vir water

op elke stasie.

 

Wat was jou reaksie toe jy die tentdorp sien:

dat dit ‘n uitkoms was,

dat dit nou beter sou gaan?

Dat jou Engelse man

se Christenmense

na julle sou omsien?

 

Toe jy die angs en smeking

In jou kinders se verwilderde oë sien

oor jou grimas van pyn

en jy hospitaal toe moes gaan,

waaruit jy nie sou ontsnap nie,

hoe kon jy die wanhoop uitstaan:

Here wat gaan van hulle word?

Kon jy dink dat die jongste jou spoedig sou volg

die ewigheid in?

 

Was jou laaste gebed dalk:

waarom dan tog Heer?

Vir watter verhewe doel sou dit alles gebeur?

Is die loutering werklik volgens U wil?

 

Eintlik was dit maar net

om die goudlus ontwil.

For King and Country

and Empire

©

 Stephan Lategan, Kaapstad, 18 Junie 2013.

Ter gedagtenis aan Johanna Frederika Dednam en haar dogter Hester, 3 jaar (my tante), oorlede te Oranjerivierstasie (Doornbult) Konsentrasiekamp, 1902

Write a new comment: (Click here)

SimpleSite.com
Characters left: 160
DONE Sending...
See all comments

| Reply

Latest comments

06.05 | 19:10

...
05.05 | 20:47

Het baie geniet. Dankie.Tuinmaak my passie. Meestal onbekende musiek vir my, maar pragtig.

...
07.04 | 20:46

Hi Nalene, watter datums het jy 'n probleem mee. Dié van Dr Nel van Heerden? Madelie

...
07.04 | 09:09

Kan iemand dalk sê die datums klop nie... Die datums wat op foto's is en die ouderdom wat sy behoort te wees, werk nie lekker saam nie. Kan iemand dalk help?

...
You liked this page