Eerstejaartjie in Minerva en senior in Sonop

Minerviaan en Sonopper

Kan nie glo dit is soveel jaar gelede dat ons Eerstejaars by Minerva ingeklok het nie.  Het ongelukkig glad nie meer kontak met een van hulle nie - sou hulle so graag weer wou sien.

In die sestigs is jy nog behoorlik ontgroen - vir twee weke dieselfde rok gedra, geen grimering en so aan.  Daardie tyd is die meeste van die eerstejaars in die sogenaamde "eerstejaarskoshuise", Minerva en Heemstede geplaas.

Ek dink die meeste van ons het die ontgroening nogal baie geniet en snaaks gevind - nog nie so gesteld gewees op ons "dignity" soos deesdae se klomp nie.

Op die doopfoto moes ons 'n wasgoedsak op die kop sit om ons hare vir die manne te bedek, rosyntjie op neus plak om die matriekkompleks uit te trek en watte agter die ore sit om die nattigheid op te vang.

Die aand met die inlywing is ons om twee uur die nag wakker gemaak, al die ligte is afgesit en jy moes in die donker na die eetkamer beweeg - Minerva het nie hysers gehad nie.  Daar moes ons toe so 'n visolie en tandepastebrousel sluk, en 'n eed afle dat jy nie 'n ander Minerviaan se "boyfriend" sal steel nie en toe was ons "ware" Minerviane.  Laasgeneomde het egter nie veel gehelp nie en daar was gereeld onderonsies he he! 

Die foto's is ongelukkig nie baie mooi nie - gaan af met die bladsy om die goed te sien.    

Dinees

Dink hierdie was Minerva se dinee, maar ons het net so grend aangetrek as 'n ou jou skiet vir fliek - aandjas, handskoene en hare op die kop gedoen.

Dagbreek se seksie dinee

Ha ha, dis nie wat jy dink nie, hoor!  Dagbreek was in seksies ingedeel en elke seksie het 'n dinee of iets gehou. 

Sonop

Hennedinee

Kamermaats

Ek en Ulie het elke aand tot ten minste nege uur eers saam met al ons pelle koffie gedrink voor ons by die boeke uitgekom het.  Baie nagte sommer deurgewerk.  Gereeld Vrydae klasse gebunk en Kaap toe gegaan met die trein.  Hoe ons twee ooit in Desember graad gekry het sonder 'n string herre, is een van die wonderwerke van die moderne tyd.

Ons het  'n manneklok gehad - 'n babaratel met vislyn daaraan vasgemaak wat by die kamer- venster uitgehang het. Mans is destyds glad nie in die koshuis toegelaat nie.

Ulie is baie jonk oorlede na 'n motorongeluk - mis haar nog steeds.   

Gradedag - verligting duidelik op my gesig!

Write a new comment: (Click here)

SimpleSite.com
Characters left: 160
DONE Sending...
See all comments

| Reply

Latest comments

06.05 | 19:10

...
05.05 | 20:47

Het baie geniet. Dankie.Tuinmaak my passie. Meestal onbekende musiek vir my, maar pragtig.

...
07.04 | 20:46

Hi Nalene, watter datums het jy 'n probleem mee. Dié van Dr Nel van Heerden? Madelie

...
07.04 | 09:09

Kan iemand dalk sê die datums klop nie... Die datums wat op foto's is en die ouderdom wat sy behoort te wees, werk nie lekker saam nie. Kan iemand dalk help?

...
You liked this page