Zhush op jou muffins

Bestaan daar regtig ‘n word soos zhush, of is dit sommer  ’n Suid-Afrikaanse maaksel? 

As dit by die bak van muffins kom, gryp ons “normale” mense maar ‘n pakkie muffinmengsel, gooi olie en eier by en siedaar , binne 20 minute is daar iets lekkers te ete.

Ongelukkig smaak die meeste van hierdie mengsels maar net so asvaal as die papierpakkies waaruit dit  kom. 

Dis reg, kikker dit op, tert dit op man, dollie dit op, verander dit geneties, voeg ‘n slag waarde by – zhush dit net op - hoekom nie?  Gee tog lewe aan die goed!

 

Vanilla muffins (500g pakkie)

Voeg ekstra by die mengsel:

1 tl gemengde speserye

1 tl kaneel

1 tl appelmoes of fyngesnyde ingemaakte appel per muffin

In plaas van die appelmoes kan jy ook 1 k vrugtekoekvrugte by die deeg meng, of pampoenmoes of patatmoes werk net so goed. 

Maak aan soos gewoonlik, en skep die helfte van die deeg in elke muffin pannetjie, dan die appelmoes en dan res van die deeg.

Bak soos gewoonlik.

In plaas van die appelmoes kan jy ook ala Hugh Fearnly Whittingstall, ‘n skeppie suurlemoensmeer (curd) inskep, maar vervang dan die ekstra speserye met 1 tl lemoen-  of suurlemoengeursel.

Sif ‘n bietjie kaneel oor vrugtemuffins en versiersuiker oor die res.

Jy kan ook gedroogde roosmalvablare (pelargonium capitatum) in die mengsel  krummel.  Ek gebruik dit tot in botterbroodjies, pannekoek en plaatkoekies.

 

Soutige  muffins – “savoury” (500g pakkie)

Voeg ekstra by die mengsel:

1 tl mostertpoeier

1 k gerasperde cheddarkaas

1 fyn gerasperde uitjie

2 el fyngekapte peppadews (die in die botteltjies werk goed)

2 el gekapte basiliekruid blare

Strooi rooipeper of cayennepeper oor die muffins voor jy dit bak

of

3 el gekapte olywe

1 k gekrummelde fetakaas

 

Sjokolade muffins (500g)

2 pakkies bokkies (chocnuts)

of

2 rolletjies rolo sjokolades

Druk so vier bokkies in elke muffin in voor jy dit bak.  Die neutesmaak gaan heerlik saam met die sjokolade.

of

Druk ‘n rolo lekker in elke muffin in.  Dit smelt en gee dan amper die effek van sjokoladefondant .

Onthou die volgende:

1             As jy die muffins presies ewe groot wil hê, skep dit met ‘n roomysskepper

               (scoop) in die pannetjies.

2             Die soet muffins werk net so goed as nagereg – bedien met vla  of roomys.

3             Proe altyd eers aan die mengsel  voor jy dit bak of dit nie sout kort nie.

Write a new comment: (Click here)

SimpleSite.com
Characters left: 160
DONE Sending...
See all comments

| Reply

Latest comments

30.08 | 12:44

It seems really a nice sharing due to its informative stuff which I will share with my dad after my https://www.goldenbustours.com/seattle-tour-packages/

...
06.05 | 19:10

...
05.05 | 20:47

Het baie geniet. Dankie.Tuinmaak my passie. Meestal onbekende musiek vir my, maar pragtig.

...
07.04 | 20:46

Hi Nalene, watter datums het jy 'n probleem mee. Dié van Dr Nel van Heerden? Madelie

...
You liked this page