Koeke en broodjies:-

170g botter

120g gouestroop

30g kakaopoeier

60g donker sjokoladeknopies

1 tl vanielje ekstrak

30 g gekapte neute

50g droë bosbessies (cranberries) of gekapte droë appelkose

1 pakkie Mariebeskuitjies, in stukkies gebreek maar nie verpoeier

• Voer ‘n klein broodpannetjie uit met bakpapier
• Smelt die botter en die stroop saam, maar verwyder van die stoofplaat voor dit kook
• Voeg kakao, sjokoladeknopies en vanielje by
• Laat staan vir ‘n minuut en meng dan deeglik tot die mengsel glad en blink is
• Voeg neute, vrugte en beskuitjies by en meng goed deur
• Skep die mengsel in die pan en druk dit styf in
• Laat die koek in ‘n yskas afkoel vir ten minste twee ure

Hierdie resep is gedurende die Eerste Wêreldoorlog ontwikkel deur die Britse “Department for Culture Media & Sport”.

Alhoewel voedsel in Brittanje eers vanaf 1917 gerantsoeneer is, was gewone bestanddele vir vrugtekoek moeilik bekombaar.  Eiers was gladnie beskikbaar nie, en is vervang deur koeksoda opgelos in asyn en melk.

Dis so ‘n lekker koek dat ek dit al ‘n paar keer gebak het.

EN nog lekkerder as jy so ‘n titsel whisky bo-oor gooi wanneer dit uit die oond kom, en geroosterde amandelvlokkies bo oor die koek strooi.

Ek is seker daar was dalk nog ‘n bietjie whisky of brandewyn beskikbaar en dalk iewers ‘n verdwaalde neutjie of twee .   

225g meelblom

110g margariene of botter

75g bruinsuiker

75g rosyne of korente

2 tl kakao

½ tl koeksoda

1 tl asyn

150ml melk

½ tl neutmuskaat

1 tl gemmer

Gerasperde skil van een suurlemoen

Smeer ‘n 450g koekpan.

• Vryf die botter in die meelblom soos vir botterbroodjies.
• Voeg die droë bestanddele by en meng goed.
• Voeg laastens die koeksoda, opgelos in die asyn en melk by. Meng deeglik deur.
• Skep die mengsel in die koekpan en bak by 180°C vir so 25 tot 30 minute. Toets na 25 minute of gaar.

1 groot eier

1 el heuning

1 k (minus 2 el) louwarm water

1 el (15 ml) van die speserymengsel (sien onder)

1¼ k (300ml) (250g) bruin suiker, styf gepak

2 k rogmeel (250g)

Knippie sout

1¾ tl (8 gm) bakpoeier

• Voorverhit oond tot 180°C
• Voer ‘n broodpannetjie uit met bakpapier
• Meng eier, heuning, water, speserye en bruinsuiker tot alles opgelos is
• Voeg die res van die bestanddele by en meng deur
• Bak by 180°C vir so 50 - 70 minute
• Toets na 50 minute of koek gaar is
• Verwyder uit die oond en laat koud word
• Heerlik vir ontbyt.  Ook met bietjie botter gesmeer.

Peperkoek se speserymengsel

• 3 el kaneel
• 1 tl neutmuskaat
• ½ tl fyn naeltjies
• ½ tl fyn kardamom
• ½ tl fyn wit peper
• ½ tl fyn koljander
• ½ tl fyn gemmerpoeier
• ½ tl anyssaad

Arabies/Engelse resepteboek

Hierdie resep kom uit 'n Arabies/Engelse resepteboek uit Kuwait.

1¼ k meelblom

5 eiers

1k suiker

1 k olyfolie

2 tl bakpoeier

1 tl saffraan

Knippie sout

1 t kardamompoeier

3 el geroosterde sesamesaadjies

• Sif meel, sout en bakpoeier saam
• Klits die eiers en suiker vir 1 minuut
• Voeg olie by en klits vir nog ‘n minuut
• Voeg die meelblom gelydelik by en klits mengsel dan vir nog ‘n minuut
• Meng nou die kardamom en saffraan in die mengsel met ‘n lepel
• Skep beslag  in ‘n koekpan en besprinkel deeglik met die sesamesade
• Bak vir 40 tot 45 minute by 160°C tot gaar
• Laat goed afkoel voor bediening

Ek het ‘n broodpannetjie en vyf muffinpannetjies gebruik ipv een groot koek.

250g strooisuiker

250g botter, saggemaak

250g bruismeel

4 eiers

5tl spekulaasgeurmengsel

Knippie sout

2 groot kookappels, geskil en in skyfies gesny

1 knippie kaneel

Spekulaasmengsel

Meng saam:

6 tl kaneel

1 ½ tl gerasperde neutmuskaat

½ tl fyn naeltjies

½ tl fyn kardamom

½ tl fyn gemmer

½ tl fyn wit peper (opsioneel)

1 tl anyssaad, effens fyn gerol

• Voorverhit oond tot 160° C
• Meng die botter en die suiker tot glad
• Voeg so ‘n derde van die meel by en meng
• Voeg nou die eiers by en meng tot ‘n gladde deeg
• Roer nou die res van die droë bestanddele by en meng
• Gooi die mengsel in ‘n pan wat met bakpapier uitgevoer is
• Meng die appel met ‘n titsel kaneel en rangskik die skyfies styf teen mekaar  bo-op die koek
• Bak vir so 80  minute tot ferm

Resep van Allrecipes.co.uk