Oor "selfies" en "onesies"

Die "selfie"

Obama, David Cameron en die Deense premier probeer 'n "selfie"

Vraag: Hoe kry mens die tyd om in jou hotelkamer op ‘n alleen trip vir die werk na Polokwane, oftewel Pietersburg as jy niks het om te lees nie?  Daarby is jy inbespreek by die Casino se hotel en jy vind niks meer aartssieldodend as om te dobbel nie?

Antwoord: Uit pure verveling besluit jy dan om maar iets te skryf oor “selfies en “onesies”.  Dis darem nie verniet die nuutste woorde wat in die Oxford Dictionary opgeneem is nie, en daarby was “selfie” mos immers ook die internasionale woord van die jaar.

VIr die oningeligtes onder ons, ‘n “selfie” is ‘n foto van jouself wat jy self met jou selfoon neem.  Dit is die nuutste gier die wêreld oor – iets soos die foto wat die Deense premier van haarself, David Cameron en Obama geneem het.

 

Eerste poging

As ondersteuning tot die empiriese onderbou van hierdie skrywe (ala Professor Boon), besluit die uwe toe maar om self so ‘n foto te probeer neem, met  katastrofiese gevolge!    

Dis glad nie so maklik om dit te doen nie, hoor… hier is my eerste poging ha ha.  Probeer dit bietjie – jy sukkel jou dood om die regte hoek te kry en dan moge het troffe, want jy kan nie regtig gemik kry nie en jou vinger glip aanmekaar van die knoppie.

Die beste poging

Na ‘n hele paar probeerslae, is hierdie een toe nou die aanvaarbaarste van die ou spulletjie.

Toe, toe ek wag om julle pogings hier op te laai!

Die "onesie"

Groen Abba katpak

‘n “Onesie” weer, is ‘n mutasie van die katpak, of boilersuit soos Abba dit byvoorbeeld gedra het.  Kon nie glo daar kan iets leliker wees as hulle satyn katpakke nie, maar wanneer dit by die “onesies” kom, is dit regtig ‘n geval van lelik, leliker, lelikste.  Dit word deesdae van sulke pap sweetpak materiaal gemaak en die kontrepsie is baie gewild om in te ontspan.

Falstaff in sy "onesie"

Maar die lelikste van die lelik is darem seker Falstaff se “onesie” uit die nuutste Metropolitan Operafliek – genade…

Los tog maar liewer die “onesies’ vir die myners, mechanics en babas – hulle weet hoe om dit met grasie te dra.

Dobbel so...

Die casino vanuit die restaurant gesien

Dit was nou nogal ‘n ondervinding om by die casino te bly, vir iemand wat nou nie baie by sulke plekke rondhang nie.

Dis die heeltyd skemer, kyk die foto – waaroor ek terloops raas gekry het by  sekuriteit – mens neem skynbaar nie foto’s in casinos nie.

Die meeste van die mense was duidelik al vir ure doenig om te dobbel toe die uwe skuins na vyf daar gaan aandete eet het.  Party hang al so skeef voor die masjiene en probeer net op een boud op ‘n slag sit – ander kan glad nie meer sit nie en druk staan-staan die knoppies.  Van die mense streel ook so oor die masjiene en praat saggies met hulle.  Wonder of dit gehelp het?  So “sad”. 

Write a new comment: (Click here)

SimpleSite.com
Characters left: 160
DONE Sending...

Madé Hugo | Reply 27.06.2016 20.44

Is jy ernstig he he

Elize de Koker | Reply 24.06.2016 17.57

....en party mens vries hulle muntstukke (of liewers moet ek se verkoel dit in die vrieskas) want dit waarborg blykbaar reaksie by die "warm" masjien.

See all comments

| Reply

Latest comments

06.05 | 19:10

...
05.05 | 20:47

Het baie geniet. Dankie.Tuinmaak my passie. Meestal onbekende musiek vir my, maar pragtig.

...
07.04 | 20:46

Hi Nalene, watter datums het jy 'n probleem mee. Dié van Dr Nel van Heerden? Madelie

...
07.04 | 09:09

Kan iemand dalk sê die datums klop nie... Die datums wat op foto's is en die ouderdom wat sy behoort te wees, werk nie lekker saam nie. Kan iemand dalk help?

...
You liked this page