Soete (en soute) verleidings

Die Mozartkugeln of Mozartballetjies, aanvanklik genoem “Mozartbonbon”, is deur die Salzburgse chef, Paul Fürst, in 1890 ontwerp ter ere van Wolfgang Amadeus Mozart.

Hierdie soete verleiding word vandag, na al die jare, nog steeds gemaak  - met die hand, volgens die oorspronklike resep.

As mens na musiek van Mozart, soos die opname van 'n klavierkonsert hier bo luister, verbaas dit jou gladnie dat iemand gëinspireer kon word om so 'n wonderlike soethappie te ontwerp nie.

Maar Mozart is nie die enigste nie.  Ander musici het ook chefs tot nuwe hoogtes gëinspireer, en selfs wêrelberoemde chefs soos die Fransman Escoffier het hulle heldeverering vir komponiste an ander musici betoon deur disse te ontwerp en na hulle te vernoem.

Carusosous of Salsa Caruso, is a warm sous gemaak van 'n mengsel van room, uie, ham, kaas, neute en sampioene.

Escoffier, die wêreldbekende Franse chef, het hierdie dis van pere ter ere van Mary ontwerp. 

Hy het later ook erken dat die meeste van sy disse eintlik "vir die dames" gemaak word.  Duidelik 'n bietjie van 'n "ladiesman" 😉.

Tournedos Rossini, heerlike fillet met groente en so 'n souserigheidjie, ontwerp deur die Franse meersterchef Marie-Antoine Carême.

Paganini, weer, was self 'n uitstekende kok. 

Hy was een van die eerstes wat tamaties in sy disse gebruik het en dit op hierdie manier so 'n onontbeerlike bestanddeel van die Italiaanse cuisine gemaak het. 

Hierdie dis van hom, “Genovese Ravioli met Bief Ragout”, was so gewild dat die oorspronklike manuskrip van die resep in die Library of Congress opgeneem is.

Die Franse komponis, Hector Berlioz, se dis wat na hom vernoem is, bestaan uit hardgekookte eiers, duchesse aartappels, truffels en sampioene.

Vernoem na die Australiese sopraan, Dame Nellie Melba.  Een van die bekendste en gewildste nageregte in die wêreld - perskes met 'n framboossous en vanielje roomys.

Escoffier ontwerp die dis in 1892, ten tyde van Nellie se deelname in Wagner se opera, Lohengrin in Covent Garden. 

Vernoem na die Italiaanse operaster, Luis Tetrazzini.

'n Amerikaanse pastadis bestaande uit gekapte hoender of vis, sampioene, amandel in botter met 'n parmesaansous en groente. 

Dit alles word gegeur met ('n swaaar hand), met wyn of sjerrie.

Dié Franse komponis van o.a. die opera "Carmen", het eintlik verskeie disse wat na hom vernoem is - 'n consommé (dun, helder sop), en ander koekerighede.